आइसीसी विश्वकप क्रिकेट लिग–२ अन्तर्गत स्कटल्याण्डमा हुने सिरिजको तयारीमा बेलायत पुगेको नेपाली टोलीले दोस्रो अभ्यास खेलिरहेको छ । दोस्रो अभ्यास खेलमा नेपालले एमसिसिविरुद्ध उत्कृष्ट ब्याटिङ गरेको छ ।

नेपालका दुई ब्याटरले शतक पूरा गरेका छन् । उपकप्तान दीपेन्द्रसिंह ऐरी र भीम सार्कीले शतक पूरा गरेका हुन् । भीम ९० बलमा १०४ रन बनाउँदै रिटायर्ड आउट भए । दीपेन्द्र ६७ बलमा ११० रन बनाएर रिटायर्ड आउट भए ।

४५ ओभरको खेलमा नेपालले ४ विकेट गुमाएर ३३५ रन बनाएको छ । बसिर अहमदले ३७ र अनिलकुमार शाहले २७ रन बनाए । यसअघि शनिबार भएको पहिलो अभ्यास खेलमा नेपालले न्यू पोर्ट क्रिकेट क्लबलाई ३ विकेटले हराएको थियो ।

प्रकाशित समय : २०:२८ बजे