सर्वोच्च अदालतका शाखा अधिकृत महिमान सिंह विष्टलाई धरौटीमा रिहा गर्न काठमाडौं जिल्ला अदालतले आदेश दिएको छ ।

जिल्ला अदालत काठमाडौंका न्यायाधीश दिनबन्धु बरालको इजलासले विष्टलाई एक लाख रुपैयाँ धरौटीमा छोड्ने आदेश दिएको हो ।

अदालतको आदेशपछि विष्ट धरौटी बुझाएर रिहा हुने प्रक्रियामा रहेको जिल्ला प्रहरी परिसर काठमाडौंका एसपी अपिलराज बोहोराले जानकारी दिए ।

विष्टमाथि सर्वोच्च अदालतको नामबाट अनधिकृतरूपमा पत्र तयार पारी नागरिक उन्मुक्ति पार्टीका संरक्षक तथा पूर्वसांसद रेशम चौधरीलाई पक्राउ गर्न निर्देशन दिँदै डिल्लीबजार कारागार चलान गर्न भनेको आरोप छ । पत्र बोकेर उनी आफैं जिल्ला प्रहरी परिसर, काठमाडौं पुगेका थिए ।

प्रकाशित समय : १७:४० बजे