ई–आट्र्स नेपालको आयोजना तथा ललितपुर चेम्बर अफ कमर्श एण्ड इन्डष्ट्रीको सहकार्यमा ‘हिमालयन आर्ट क्याम्प २०२५’ मा सिर्जित कलाकृतिहरुको प्रदर्शनी उद्घाटन समारोह आयोजना हुने भएको छ ।

उक्त प्रदर्शनीको उद्घाटन ललितपुर महानगरपालिकाका मेयर चिरिबाबु महर्जनले आउँदो शनिबारका दिन अपराह्न ४ः०० बजे पाटन संग्रहालय, पाटन दरबार स्क्वायर, ललितपुरमा गर्नेछन् । सृजनशीलता र सांस्कृतिक आदानप्रदानलाई उत्सवका रूपमा मनाउने यस विशिष्ट अवसरमा प्रख्यात नेपाली तथा अन्तर्राष्ट्रिय कलाकारहरूले आफ्ना कलात्मक यात्रा र विविध दृष्टिकोणहरू प्रस्तुत गर्नेछन् । प्रदर्शनी जेठ १४ गतेसम्म चल्नेछ ।

ग्यालरी खुल्ने समय दैनिक बिहान ११ः०० बजे देखि साँझ ६ः०० बजेसम्म रहेको छ । कार्यक्रममा नेपाली कलाकारहरु किरण मानन्धर, नविन्द्रमान राजभण्डारी, लोक चित्रकार, सीमा शर्मा शाह, भुवन थापा, समुन्द्रमान सिंह श्रेष्ठ, सुष्मा शाक्य, अनिल शाही, प्रतिमा थकाली, सविता डंगोल र अन्तर्राष्ट्रिय कलाकारहरु कम्बोडिया, क्यानडा, चीन, इन्डोनेसिया, जापान, इटाली, मलेसिया, फिलिपिन्स, रोमानिया, सिंगापुर, दक्षिण कोरिया, थाइल्याण्ड, अमेरिका र भियतनामका कलाकारहरुको सहभागिता रहनेछ ।

प्रकाशित समय : १७:२१ बजे