ललितपुरको ढोलाहिटीमा केन्द्रिय कार्यालय राखी जिल्लाका विभिन्न स्थानहरुमा शाखा कार्यालय मार्फत लघुवित्त कार्यक्रम संचालन गर्दै आएको एमएसआर बहुउदेश्यिय सहकारी संस्थाले विगत २ बर्षदेखि निक्षेप फिर्ता गर्न सकेको छैन । सहकारीमा संकट गहिरिँदै जाँदा सबै सञ्चालकहरुले पनि अध्यक्ष समक्ष राजिनामा बुझाएको सम्बद्ध स्रोतले बतायो ।

उनीहरुको राजिनामा नोटिस बोडर्मा टाँसिएको छ । त्यसैगरी संस्थाका सिइओ तथा अन्य कर्मचारीहरु पनि कार्यालय आउन छाडेका छन् । स्रोतका अनुसार संस्थाका अध्यक्ष स्वयम्भुराम जोशीको निरन्तरको मनोमानीले संस्था डुबेको हो । हाल संस्थासँग अलिकति पनि तरलता नभएको र बचतकर्ताहरुको बचत फिर्तागर्नुपर्ने रकम करिव १० करोड हाराहारी रहेको स्रोतले बतायो । सो रकम संस्थाको चलअचल सम्पत्ति विक्रि नगरी तिर्नै सक्ने अवस्था पनि रहेको छैन ।

ललितपुरकै सातदोबाटो, चापाउगाउँ, लुभु, संख्खु, गोटिखेल लगायतमा सेवा केन्दहरुमार्फत कारोबार गर्दै आएको सो सहकारीको केन्द्रिय कार्यालय ढोलाहिटीमा दिनहुँ जसो बचत फिर्ताको लागि सदस्यहरु आउने गरेका थिए । अहिले भने आजित भएर त्यो पनि आउन छोडेका छन् ।
त्यसरी आउनेहरुलाई ब्यवस्थापनले आश्वासन दिँदै फिर्ता पठाउने गरेको सदस्यहरुको गुनासा छन् ।

जनताको १० करोड बचत रहेको बुझिएको सो सहकारीको अध्यक्षमा स्वयम्भुराम जोशी रहेका छन् । उनै जोशी लामो समय वित्तिय क्षेत्रमा अनुभव भएको बुझन्मा आएको छ । कुनै समय सामुदायिक लघुवित्त वित्तिय संस्था काभ्रेमा प्रमुख कार्यकारी अधिकृतको रुपमा काम जोशी अनियमितता तथा बैंकिङ कसुरमा परि राष्ट बैंकले कार्वाही समेत गरेका ब्यक्ति हुन् । आफु अध्यक्ष र श्रीमती शुभलाभ जोशी प्रमुख कार्यकारी अधिकृत भएर संचालन गरेको सहकारी डुब्ने अवस्थामा पुगे पश्चात श्रीमतीलाई अलग गरेको समेत बुझन सकिन्छ ।

४ हजार बचतकर्ताको बचत डुब्ने खतरा बढी रहँदा सम्बन्धीत निकायले त्यसतर्फ ध्याआकृष्ट गर्नुपर्नेमा बेवास्ता गर्दै आइरहेको छ ।

प्रकाशित समय : १५:१६ बजे