काठमाडौंको भृकुटीमण्डपमा दशौं अन्तर्राष्ट्रिय व्यापार मेला २०८२ सुरु भएको छ । आजदेखि नेपाल उद्योग वाणिज्य महासंघको आयोजनामा मेला सुरु भएको हो ।

उद्योग वाणिज्य तथा आपूर्ति मन्त्रालयको सहयोगमा, व्यापार तथा निकासी प्रवद्र्धन केन्द्र र ललितपुर उद्योग वाणिज्य संघ र नेपाल हस्तकला महासंघको सहआयोजनामासुरु भएको मेला वैशाख २९ गतेसम्म जारी रहने छ ।

मेलामा नेपालसहित भारत, चीन, पाकिस्तान, बंगलादेश र थाइल्याण्डका व्यापारी तथा उत्पादकहरूको सहभागिता रहेको छ । मेलामा मेड इन नेपाल पेभेलियन र विभिन्न वस्तुगत संघहरूको पेभेलियन रहेको छ । नेपाल अन्तर्राष्ट्रिय व्यापार मेलामा कुल ३०० भन्दा बढी स्टलमार्फत स्वदेशी र विदेशी वस्तु तथा सेवाहरू प्रदर्शनीमा राखिएको छ ।

मेलामा चीनबाट पावर ट्रान्समिशन इक्विपमेन्ट, इलेक्ट्रिकल्स, अटोमोबाइल्स, खाद्य तथा पेय पदार्थ, गार्मेन्ट्स, स्मार्टवाच लगायतका स्टलहरू रहनेछन् भने पाकिस्तान र बंगलादेशबाट लेदर तथा गार्मेन्ट्स सामग्रीहरू पनि प्रदर्शन छन् ।

यसका साथै मेलामा हस्तकला, पर्यटन, सूचना प्रविधि, कृषि उत्पादन, उर्जा, भवन र निर्माण सम्बन्धी शिक्षा लगायतका विभिन्न विषयवस्तुहरूका स्टलहरू राखिएका छन् । यस वर्षका प्रमुख आकर्षणहरूमा मेड इन नेपाल उत्पादन, चार पांग्रे र दुई पांग्रे विद्युतीय गाडी, र अन्तर्राष्ट्रिय खरिदकर्तासँग प्रत्यक्ष अन्तरक्रिया हुने अवसर रहेको छ ।

प्रकाशित समय : १४:५० बजे