चालू आर्थिक वर्ष २०८१–८२ को तेस्रो त्रैमासमा लघु निर्जीवन बीमक कम्पनीको व्यवसाय गत आर्थिक वर्षको यही अवधिको तुलनामा बढेको छ ।

नेपाल बीमा प्राधिकरणले आज सार्वजनिक गरेको तथ्यांकअनुसार चार निर्जीवन लघु बीमकले चालु आर्थिक वर्षको चैत्र मसान्तसम्ममा २ लाख ७७ हजार ९८ वटा बीमा लेख जारी गरी ६८ करोड ६७ लाख रुपैयाँ कुल बीमा शुल्क संकलन गरेका छन् ।

चैतसम्म सबैभन्दा धेरै व्यापार भित्र्याउनेमा नेपाल माइक्रो इन्स्योरेन्स रहेको छ । यो कम्पनीले ७७ हजार ३५१ वटा बीमालेख बिक्री गरेर १९ करोड ३६ लाख रुपैयाँ कुल बीमाशुल्क आर्जन गरेको छ ।

त्यस्तै, प्रोटेक्टिभ माइक्रो इन्स्योरेन्सले चैतसम्म ६९ हजार १५७ वटा बीमालेख बिक्री गरेर १७ करोड ५७ लाख रुपैयाँ कुल बीमाशुल्क आर्जन गरेको छ ।

स्टार माइक्रो इन्स्योरेन्सले ७४ हजार ३६५ वटा बीमालेख बिक्री गरेर १६ करोड ३२ लाख रुपैयाँ र ट्रस्ट माइक्रो इन्स्योरेन्सले ५६ हजार २२५ वटा बीमालेख बिक्री गरेर १५ करोड ४० लाख रुपैयाँ कुल बीमाशुल्क आर्जन गरेको छ ।

प्रकाशित समय : १८:४० बजे