अदालतमा विचाराधीन मुद्दामा टिप्पणी नगर्न सत्तारुढ नेपाली कांग्रेसका महामन्त्री गगनकुमार थापालाई सर्वोच्च अदालतले आदेश दिएको छ ।

कामु प्रधानन्यायाधीश सपना प्रधान मल्ल र न्यायाधीश नित्यानन्द पाण्डेको इजलासबाट आज यस्तो आदेश जारी भएको हो । आदेशमा थापालाई सात दिनभित्र लिखित जवाफ दिन भनिएको छ ।

सत्तारुढ दलका शक्तिशाली महामन्त्रीले हालै एक सार्वजनिक मन्चबाट संवैधानिक निकायका ५२ भाइको मुद्दामा सर्वोच्च अदालतले ‘डिल’ गरिराखेको गम्भीर आरोप लगाएका थिए । लोकतन्त्र दिवसको अवसरमा बिहीबार काठमाडौंमा आयोजित ‘आजको लोकतन्त्र: अवसर र चुनौती’ विषयक संवाद कार्यक्रमलाई सम्बोधन गर्दै थापाले संवैधानिक आयोगका पदाधिकारीहरूलाई अदालतले ‘तँलाई हान्दिऊँ’ भन्दै झुलाइरहेको दावी गरेका थिए ।

प्रकाशित समय : १९:५१ बजे