चीनले केही अमेरिकी कर्मचारीमाथि भिसा प्रतिबन्ध लगाउने घोषणा गरेको छ ।

तिब्बतसम्बन्धी विषयमा अनुचित व्यवहार गर्ने केही अमेरिकी कर्मचारीहरूलाई भिसा प्रतिबन्ध लगाउने घोषणा गरेको चीनको विदेश मन्त्रालयले जनाएको छ ।

तिब्बती क्षेत्रमा विदेशीको पहुँचलाई नियन्त्रण गर्ने नीतिमा संलग्न चिनियाँ अधिकारीमाथि दुई हप्ता अघि वासिङ्टनले थप भिसा प्रतिबन्ध लगाएको थियो । त्यसपछि नियमित पत्रकार सम्मेलनमार्फत चीनले यो घोषणा गरेको हो ।

अमेरिकाले चिनियाँ कम्युनिष्ट पार्टीले अमेरिकी कूटनीतिज्ञ, पत्रकार र अरू अन्तर्राष्ट्रिय पर्यवेक्षकलाई तिब्बत र त्यहाँका अरू क्षेत्रमा पहुँच दिन अस्वीकार गरेको आरोप लगाएको छ । अमेरिकी कूटनीतिज्ञ र अरू व्यक्तिलाई उक्त क्षेत्रमा निर्बाध पहुँच दिन पनि माग गरेको छ ।

प्रकाशित समय : १३:५९ बजे