लगातारको वर्षासँगै आएको पहिरोले राप्ती राजमार्ग आज दिउँसो ३ बजेदेखि अवरुद्ध भएको छ ।

कपुरकोट गाउँपालिकाको चोरखोला नजिकै केही स्थानमा पहिरो जाँदा राजमार्ग अवरुद्ध भएको हो ।

राजमार्ग अवरुद्ध हुँदा दर्जनौं यात्रुबाहक गाडी र त्यसमा सवार यात्रु सडकमै अलपत्र परेका छन् । लामो समय सडक नखुल्दा कतिपय हिँडेर आउजाउ गर्न बाध्य छन् भने कतिपय गाडीमै बसिरहेका छन् ।

चोरखोला आसपासमा सडक स्तरोन्नति भइरहेको र सडकमा थुपारेको ढुंगामाटो, बालुवा र हिलोले यात्रुलाई सास्ती भएको छ ।

प्रकाशित समय : २०:२० बजे