गृहपृष्ठ लुम्बिनीमा चिनियाँ चलचित्रको छायांकन हुने
लुम्बिनीमा चिनियाँ चलचित्रको छायांकन हुने
चिनियाँ कलाकारहरूले लुम्बिनीमा ‘म कहिल्यै नमरी जीउन चाहन्छु’ नामक चलचित्रको छायांकन गर्ने तयारी गरेका छन्।
बुद्ध र लुम्बिनीसँग सम्बन्धित यो चलचित्रको एकतिहाइ भाग लुम्बिनीमै सुटिङ गरिने निर्माता तथा कलाकारहरूले आइतबार लुम्बिनी विकास कोषसँगको छलफलमा जानकारी गराएका हुन्।
लुम्बिनी विकास कोषका कोषाध्यक्ष ढुण्डिराज भट्टराई सिद्धिचरणले चलचित्रले बुद्ध र लुम्बिनीको सकारात्मक प्रचार गर्ने भएकाले खुशी लागेको बताए।
उनले भने, ‘यस चलचित्रले चिनियाँ नागरिकहरूमा बुद्ध र लुम्बिनीको सन्देश पुर्याउन मद्दत गर्नेछ, साथै पर्यटन प्रवर्द्धनमा पनि टेवा पुग्नेछ।’ कोषले कानुनी रूपमा आवश्यक सहजीकरण गर्ने प्रतिबद्धता व्यक्त गरेको छ।
प्रकाशित समय : २१:२३ बजे
