मधेश प्रदेशमा होली पर्वको मौका छोपी ट्राफिक नियम उल्लंघन गर्ने ३१७ सवारीसाधन कारबाहीमा परेका छन्।

प्रहरीले शुक्रबार ट्राफिक नियम उल्लंघन गर्ने ३१७ सवारीसाधन र ५७ जनालाई कारबाही गरेको हो।

मधेश प्रदेश प्रहरी कार्यालयका अनुसार सबैभन्दा बढी सर्लाही जिल्लामा १०२ सवारीसाधन कारबाहीमा परेका छन्।

त्यस्तै सिरहामा ८० दुईचक्के र २ चारचक्के गरी ८२ सवारीसाधनलाई कारबाही गरिएको छ। बारामा ६२, महोत्तरीमा ५१, सप्तरीमा ७, धनुषामा २, रौतहटमा ६ र पर्सामा ४ सवारीसाधन कारबाहीमा परेका छन्।

शुक्रबार मधेशका आठ जिल्लामा ३५ सवारी दुर्घटनामा ९९ जना घाइते भएका प्रहरीले जनाएको छ। सबैभन्दा बढी महोत्तरी र सर्लाहीमा ९–९ सवारी दुर्घटना भएका छन्।

प्रकाशित समय : २१:०७ बजे