बलिवुड अभिनेत्री आलिया भट्टको कान्स फिल्म फेस्टिभलमा डेब्यु हुने भएको छ ।

आलिया भट्ट आफैँले कान्समा आफ्नो डेब्युको पुष्टि गरेकी हुन् । आलियाले लगभग दुई वर्षअघि मेट गालामा डेब्यु गरेकी थिइन् । अब उनी आफ्नो सुन्दर लुकले कान्समा लाइमलाइट चोर्नेछिन् । उनी एक सौन्दर्य ब्रान्डको लागि रातो कार्पेटमा उपस्थित हुनेछिन् ।

बलिउडमा आफ्नो अभिनयबाट लोकप्रियता कमाइसकेकी आलियाले अन्तर्राष्ट्रिय स्तरमा पनि धेरै ख्याति कमाइसकेकी छिन् । मुम्बईमा मिडियासँग कुरा गर्दै आलियाले भनेकी छन्, ‘म यसको लागि उत्सुक छु । हो, म कान्समा डेब्यु गर्दैछु । म धेरै उत्साहित छु ।’

७८औं कान्स फिल्म फेस्टिभल मे १३ देखि मे २४, २०२५ सम्म आयोजना हुनेछ ।

प्रकाशित समय : १२:११ बजे