नेपाल उद्योग बाणिज्य महासंघले चिनका लागि मानार्थ प्रतिनिधिमा दुर्गाप्रसाद अंगाईलाई नियुक्त गरेको छ । महासंघले नेपाल र चीनबीचको व्यापार र सम्बन्धलाई सुदृढ बनाउन अंगाईले उत्कृष्ट योगदान गरेको भन्दै मानार्थ प्रतिनिधिमा नियुक्त गरेको हो ।

विगतमा पनि तपाईंले यस क्षेत्रमा नेपालको व्यापार र लगानीको बढाउन महत्वपूर्ण योगदान दिएको पत्रमा उल्लेख छ । अंगाईको असाधारण नेटवर्किङ क्षमता र उद्योग विशेषज्ञताले नेपालमा प्रत्यक्ष वैदेशिक लगानी भित्र्याउन सहयोग गरेको छ ।

अंगाईले महासंघ र चीनका प्रख्यात चेम्बर अफ कमर्सबीचको बलियो सम्बन्ध निर्माणमा पनि महत्वपूर्ण भूमिका निर्वाह गरेको बताइएको छ । यसले धेरै महत्त्वपूर्ण समझदारी पत्रमा हस्ताक्षर गरेको छ ।

प्रकाशित समय : १३:५२ बजे