संयुक्त राष्ट्रसङ्घले मङ्गलबार उत्तरी लेबनानको आइटो गाउँमा भएको इजरायली आक्रमणको ‘तत्काल, स्वतन्त्र र विस्तृत अनुसन्धान’ को माग गरेको छ । उक्त आक्रमणमा २२ सर्वसाधारणको मृत्यु भएको बताइएको छ ।

“बाह्र महिला र दुई बालबालिकासहित २२ जना मारिएको हामीले सुनेका छौँ” सोमबारको आक्रमणबारे पत्रकारहरूलाई बताउँदै संयुक्त राष्ट्रसङ्घीय मानवाधिकार कार्यालयका प्रवक्ता जेरेमी लरेन्सले भने, “यी तथ्यलाई ध्यानमा राख्दा हामीलाई युद्धको कानून र विभेद, अनुपात र समानुपातिकताका सिद्धान्तहरूका सम्बन्धमा वास्तविक चिन्ता छ, हाम्रो कार्यालयले यस घटनाको तत्काल, स्वतन्त्र र विस्तृत अनुसन्धान आह्वान गर्दछ ।”

भग्नावशेषमा शरीरका अङ्गहरू छरिएका थिए, रेडक्रसका स्वयंसेवकहरूले भग्नावशेषमा बाँचेकाहरूको खोजी गरिरहेका थिए भने एम्बुलेन्सहरूले घाइतेहरूको उद्धार गरिरहेका थिए ।

हिजबुल्लाहले करिब एक वर्षदेखि इजरायलसँग सीमापार गोलाबारी गर्दै आएको थियो । उक्त समूहले गाजामा इजरायलको विनाशकारी स्थल र हवाई आक्रमणको जवाफमा आक्रमण गरेको बताउँदै आएको छ ।

प्रकाशित समय : १९:०८ बजे