नेपालले बंगलादेशलार्ई ४० मेगावाट विद्युत् बिक्री गर्न त्रिपक्षीय सम्झौता भएको छ ।

आज राजधानीमा बिशेष कार्यक्रम गरी नेपाल, भारत र बंगलादेशले सम्झौता पत्रमा हस्ताक्षर गरेका हुन ।

भारतीय प्रसारण लाइन हुँदै बंगलादेश विद्युत् पुर्याउने भएकाले भारतीय पक्षलाई समेत समावेश गरेर सम्झौता गरिएको हो ।

सम्झौता पत्रमा नेपालको तर्फबाट नेपाल विद्युत् प्राधिकरणका प्रबन्ध निर्देशक कुलमान घिसिङ, बंगलादेशको तर्फबाट बंगलादेश पावर डेभलपमेन्ट बोर्ड (बीपीडीपी) का चेयरमेन मोहमद रेजुअल करिम र भारतको एनटीपीसी विद्युत् व्यापार निगम (एनभीभीएन) का सीईओ रेनु नारङले हस्ताक्षर गरेका छन् ।

प्रकाशित समय : १७:२२ बजे