नेपाल राष्ट्र बैंकले सार्वजनिक गरेको तथ्यांक अनुसार चालु आर्थिक वर्षको साउनको तुलनामा भदौंमा उक्त रकम ७५ अर्ब ५ करोड रुपैयाँले घटेको हो । एक महिनामा सरकारी खाताबाट ७५ अर्ब रुपैयाँ बढी नगद मौज्दात घटेको छ ।

गत साउनमा सरकारी खातामा तीन खर्ब १२ करोड रुपैयाँ नगद मौज्दात रहेको थियो । भदौंमा उक्त रकम घटेर २ खर्ब ३६ अर्ब ९५ करोड रुपैयाँ पुगेको छ । यो रकम सरकारले खर्च गरेर बाँकी रहेको रकम हो । गत असार मसान्तसम्म तीन खर्ब ५५ अर्ब ४५ रुपैयाँ रहेको यस्तो मौज्दात चालु आवको भदौं मसान्तसम्म आइपुग्दा एक खर्ब १८ अर्ब ५० करोड अर्ब रुपैयाँले घटेको छ ।

भदौं मसान्तसम्म राष्ट्र बैंकको रिजर्भमा ६ खर्ब एक अर्ब ७८ करोड ९९ लाख रुपैयाँ रहेको छ । २०८१ असारसम्म रिजर्भमा ५ खर्ब ७२ अर्ब ७ करोड ९५ लाख रुपैयाँ थियो । आईएमएफसँग सम्बन्धित दायित्व ३९ अर्ब ४८ करोड १७ लाख रुपैयाँ रहेको छ ।

प्रकाशित समय : १३:०० बजे