अविरल बर्षासंगै कोशीमा बढेको पानीको वहावका कारण बराहक्षेत्र नगरपालिका–६ ठाकुरबारीस्थित तिलिया टापुमा २२ जना गोठालाहरू उद्धारको पर्खाईमा छन् ।

कोशी टप्पु अन्तर्गत श्रीलंका टप्पुमा पर्ने तिलिया टापुमा उनीहरु थुनिएपछि झरी बर्षाका बीच कोसीमा पानीको सतह बढेकाले उद्धारको पर्खाइमा २४ घण्टा बितेको हो ।अविरल वर्षासँगै आएको वर्षाका कारण सप्तकोसी नदीमा आएको बाढीले बराहक्षेत्र ६ स्थित ठाकुरबारी टिक्रीमा थुनिएका २२ जना २४ घण्टाभन्दा बढीदेखि कुरिरहेका छन् ।

बर्षा र पानीको वहावकाकारण थुनिएकाको उद्धारको निम्ति नेपाली सेना र प्रहरीका साथ कोसी प्रदेशका मुख्यमन्त्री हिक्मतकुमार कार्की सहितको टोली उक्त स्थानमा पुगेपनि उद्धार गर्न सकिने अवस्था नभएको घट्ना स्थलबाट मुख्यमन्त्रीका जन सम्पर्क सल्लाहकार रवि खनालले खवरहवलाई बताए ।

उनले भने, ‘हिजोदेखि त्यहाँ चौपाया चराउन गोठाला गएका रहेछन् । फर्किने बेलामा झरी पानी र कोशीमा पानीको सतह बढेकाले आउन नसकेका रहेछ । उनीहरुको उद्धारकालागि मुख्यमन्त्री कार्की ज्युले तत्कालै घट्ना स्थलबाटै गृहमन्त्रीलाँई फोन गरी हेलिकप्टर मगाउनु भएको छ । तर खराव मौसम कारण ढिलाई भइरहेको छ ।’

यसैबीच मुख्यमन्त्री कार्कीसहितको टोलीले कोशी ब्यारेजको निरीक्षणपछि पानीको वहाव अत्यधिक बढेको र अपरान्ह ३ बजेसम्ममा ५ लाख ३१ हजार ७ सय ५० क्युसेक प्रतिसेकेण्ड पुगेकाले जोखिमको आकलन गर्दै सुनसरी र सप्तरीका जिल्ला सुरक्षा समितिलाई एम्बुलेन्स जस्ता अत्यावश्यक सेवा बाहेकका यातायात नचालउने व्यवस्था मिलाउन निर्देशन दिएको पनि खनालले बताए ।

प्रकाशित समय : १६:४९ बजे