नेसन लिग फुटबलमा सर्बियाले युरोकप बिजेता स्पेनलाई गोलरहित बराबरीमा रोकेको छ।

गएराति भएको समूहको पहिलो खेलमा स्पेन र सर्बियाले गोलरहित बराबरी खेल्दै एक-एक अंक बाँडेका हुन्। यही समूहमा डेनमार्कले स्वीट्जरल्याण्डलाई पराजित गरेको छ।

खेलभर नै बलमा पक्कड जमाएको स्पेन गोल गर्न भने असफल भयो। स्पेनले सर्बियाको पोष्टमा २१ वटा प्रहार गरेको थियो। ७४ प्रतिशत बल होल्ड गरेको स्पेनले लगातार आक्रमण गरे पनि गोल गर्न सकेन।

अब समूहको दोस्रो खेलमा स्पेनले सोमबार राति स्वीट्जरल्याण्डसँग भिड्ने छ।

अरु समूहका खेलमा पोर्चुगलले क्रोएसियालाई २–१ ले पराजित गर्दा पोल्याण्डले स्कटल्याण्डलाई ३–१ ले पराजित गर्‍यो।

प्रकाशित समय : १३:४२ बजे