nmb bank

गृहपृष्ठ आत्महत्या न्यूनीकरण तथा व्यवस्थापन सम्बन्धी सार्वजनिकीकरण कार्यक्रम सम्पन्न

आत्महत्या न्यूनीकरण तथा व्यवस्थापन सम्बन्धी सार्वजनिकीकरण कार्यक्रम सम्पन्न

आत्महत्या न्यूनीकरण तथा व्यवस्थापन सम्बन्धी सार्वजनिकीकरण कार्यक्रम सम्पन्न

प्रहरी महानिरीक्षक बसन्त बहादुर कुँवरको प्रमुख आतिथ्यतामा नेपाल प्रहरी प्रधान कार्यालयमा बुधबार आयोजित एक कार्यक्रमबीच आत्महत्या न्यूनीकरण तथा व्यवस्थापन सम्बन्धी शोध अध्ययन प्रतिवेदन र सोको कार्ययोजना, २०८१ प्रस्तुतीकरण तथा सार्वजनिकीकरण कार्यक्रम सम्पन्न भएको छ ।

सो अवसरमा प्रहरी महानिरीक्षक कुँवरले विश्वव्यापी रूपमा बढ्दो अवस्थामा रहेको आत्महत्या नेपालमा पनि जटिल सामाजिक समस्याको रूपमा देखा परेको उल्लेख गर्दै यसले व्यक्ति तथा परिवारलाई मात्र नभई समग्र समाज तथा देशलाई नै विविध दृष्टिकोणबाट असर पार्ने गरेको बताए ।

प्रहरी महानिरीक्षक कुँवरले तथ्याङ्क विश्लेषणको आधारमा आत्महत्या न्यूनीकरणको लागि समयमा प्रभावकारी कदम चाल्न नसकिएको खण्डमा स्थिति अझ भयावह हुने तथ्यलाई मनन गरी देशव्यापी रूपमा शोध अध्ययन गरी कार्ययोजना समेत तयार भएको बताए । आत्महत्या न्यूनीकरणका क्षेत्रमा भावी रणनीति तर्जुमा तथा कार्यदिशा तय गर्न प्रतिवेदन महत्वपूर्ण दस्तावेज हुने विश्वास उनले व्यक्त गरे ।

प्रहरी महानिरीक्षक कुँवरले आत्महत्या न्यूनीकरण तथा रोकथाम नेपाल प्रहरीको एकल प्रयासले मात्र सम्भव नहुने उल्लेख गर्दै यसका लागि सरोकारवाला निकायहरूको संयुक्त सहकार्यमा साझा संयन्त्र बनाएर आगाडि बढ्न जरूरी रहेको बताए ।
आत्महत्या न्यूनीकरणका लागि आवश्यकता अनुसारको रणनीति अवलम्बन गर्न सरोकारवालाहरूसँग समन्वय र सहकार्य गरी प्रभावकारी ढंगबाट कार्ययोजना कार्यान्वयन गर्न सबै प्रहरी कार्यालयहरूलाई उनले निर्देशन समेत दिए ।

कार्यक्रममा प्रहरी महानिरीक्षक बसन्त बहादुर कुँवरले शोध अध्ययन प्रतिवेदन तथा कार्ययोजना सार्वजनिकीकरण गर्नुका साथै शोध अध्ययन कार्यमा खटिने विषय विज्ञ तथा प्रहरी कर्मचारीहरूलाई कदरपत्र प्रदान गरे ।

नेपाल प्रहरी प्रधान कार्यालय अपराध अनुसन्धान विभागका प्रमुख प्रहरी अतिरिक्त महानिरीक्षक टेक बहादुर तामाङले धन्यवाद मन्तव्य व्यक्त गरेको उक्त कार्यक्रममा नेपाल प्रहरी प्रधान कार्यालय अन्वेषण योजना तथा विकास निर्देशनालयका प्रहरी नायव महानिरीक्षक राजेशनाथ बास्तोलाले स्वागत मन्तव्य तथा कार्यक्रमको उद्देश्यबारे जानकारी गराएका थिए ।

कार्यक्रममा गृह मन्त्रालयका सहसचिव झक्क प्रसाद आचार्य, स्वास्थ्य तथा जनसंख्या मन्त्रालयका सहसचिव डा कृष्ण प्रसाद पौडेल, राष्ट्रिय योजना आयोगका सहसचिव यमलाल भूसाल र मानसिक अस्पताल लगनखेलका निर्देशक एवम् प्रमुख कनसल्टेन्ट साइक्याट्रिष्ट डा अनन्त प्रसाद अधिकारीले प्रतिवेदन र कार्ययोजना सम्बन्धी आ-आफ्नो दृष्टिकोण सहितको मन्तव्य व्यक्त गरेका थिए ।

कार्यक्रममा प्रहरी अतिरिक्त महानिरीक्षकहरू, प्रहरी नायव महानिरीक्षकहरू, वरिष्ठ प्रहरी अधिकृतहरूको उपस्थितिको साथै प्रदेश प्रहरी कार्यालयका प्रमुखहरू, नेपाल प्रहरी प्रदेश कार्यालयका प्रमुखहरू, प्रदेश प्रहरी तालिम केन्द्रका प्रमुखहरूको भर्चुअल उपस्थिति समेत रहेको थियो ।

प्रकाशित समय : १७:२९ बजे

प्रतिक्रिया दिनुहोस्

सम्बन्धित शीर्षकहरु