nmb bank

गृहपृष्ठ फ्रान्स र पोर्चुगल भिड्दै, रोनाल्डो र एम्बाप्पेमा कसले मार्ला बाजी ?

फ्रान्स र पोर्चुगल भिड्दै, रोनाल्डो र एम्बाप्पेमा कसले मार्ला बाजी ?

फ्रान्स र पोर्चुगल भिड्दै, रोनाल्डो र एम्बाप्पेमा कसले मार्ला बाजी ?

युरोकप फुटबल प्रतियोगिताअन्तर्गत शुक्रबार राति पूर्वविजेता फ्रान्स र पोर्चुगल आमनेसामने हुँदैछन् ।

यो क्वार्टरफाइनल भिडन्त जर्मनीको भोक्सपार्क रंगशालामा नेपाली समयअनुसार राति पौने १ बजे हुने छ ।

खेलप्रेमीले यी दुई देशको भिडन्तलाई क्रिस्टियानो रोनाल्डो र किलियन एम्बाप्पेको प्रतिस्पर्धाका रुपमा पनि लिएका छन् ।

विश्वविजेतासमेत रहेको फ्रान्सले सन् १९८४ र २००० मा युरोकप जितेको थियो । पोर्चुगलले सन् २०१६ मा फ्रान्सलाई नै पराजित गरेर यो उपाधि उचालेको थियो ।

तर जारी युरोकपमा फ्रान्सलेको प्रदर्शन उत्कृष्ट छैन । पोर्चुगलको पनि प्रदर्शन औसत छ । फ्रान्सेली कप्तान किलियन एम्बाप्पे पनि यो युरोकपमा लयमा देखिएका छैनन् ।

उनले अहिलेसम्म यो प्रतियोगितामा केबल एक गोल पेनाल्टीबाट गरेका छन् । उता पोर्चुगलका प्रमुख स्ट्राइकर क्रिस्टियानो रोनाल्डोको पनि प्रदर्शन बिर्सनलायक छ।

देशका लागि आफ्नो फुटबल करिअरमा अन्तिम ठूलो प्रतियोगिता खेलिरहेका उनले पनि गतिलो प्रदर्शन गर्न नसक्दा आलोचना खेपिरहेका छन् । अहिलेसम्म उनी गोल गर्नबाट चुकेका छन् । अहिलेसम्म उनले पेनाल्टी अवसरमा पनि गोल गर्न चुक्दा मैदानमै रोएका थिए ।

एम्बाप्पे नचले पनि फ्रान्सका एन्टोइन ग्रिजम्यान, एन्गोलो कान्टे र जुलेस कुन्डे जस्ता नाम चलेका खेलाडी छन् । यसअघि फ्रान्सले अन्तिम १६ को भिडन्तमा बलियो प्रतिस्पर्धी बेल्जियमलाई हराएको थियो ।

उता पोर्चुगलको टोलीमा पनि प्रभावशाली खेलाडी छन् । बेर्नार्डो सिल्भा, ब्रुनो फर्नान्डेज, जोआओ कान्सेलो र रुविन डियास उत्कृष्ट खेलाडीले पोर्चुगलको टोली भरिएको छ । पोर्चुगलले अन्तिम १६ मा पेनाल्टी सुटआउटमा हराएको थियो।

पोर्चुगल र फ्रान्स अहिलेसम्म २८ खेलमा भिडिसकेका छन् । तीमध्ये फ्रान्सले १९ वटामा जित निकाल्दा पोर्चुगलको पक्षमा ६ वटा मात्रै नतिजा परेको छ । जसमध्ये तीन खेलमा बराबरी भएको छ ।

प्रकाशित समय : १९:१४ बजे

प्रतिक्रिया दिनुहोस्

सम्बन्धित शीर्षकहरु