nmb bank

गृहपृष्ठ बारुणयन्त्र चुस्तदुरुस्त राख्न निर्देशन

बारुणयन्त्र चुस्तदुरुस्त राख्न निर्देशन

बारुणयन्त्र चुस्तदुरुस्त राख्न निर्देशन

आगलागीका घटनालाई तुरुन्त नियन्त्रणमा लिन विराटनगर महानगरपालिकाका तीनवटै बारुणयन्त्रलाई व्यवस्थित गरी राखिएको छ । महानगरसित पाँच हजार लिटर क्षमताको दुईवटा र तीन हजार लिटर क्षमताको एउटा दमकल रहेको छ ।

यसमा पाँच हजार लिटरका दुईवटा बारुणयन्त्र पुष्पलालचोकमा र तीन हजार लिटर क्षमताको बारुणयन्त्र विराटनगर–१४ जतुवास्थित पुरानो वडा कार्यालयमा राखिएको बारुणयन्त्रको जिम्मेवारी सम्हाल्नुभएका कर्मचारी राजन पौडेलले बताए ।

महानगरले दमकलमा पानी भर्नका लागि केही महिना अगाडि सन्सारी माईस्थानमा डिप बोरिङ सञ्चालन ल्याएको थियो । हाल पुष्पलालचोक, महानगर परिसर, सन्सारी माईस्थानबाट दमकलमा पानी भर्ने गरिएको छ । महानगर क्षेत्रभित्र सात÷आठ ठाउँबाट पानी भर्ने गरी व्यवस्था मिलाइएको बताइएको छ ।

सुक्खा तथा खडेरी मौसम सुरु भएसँगै आगलागीको जोखिम बढेको जनाउँदै विराटनगर महानगरपालिकाका प्रमुख नागेश कोइरालाले आज सम्बन्धित कर्मचारीलाई निर्देशन दिए । यस्तो विपद्को घटनालाई समयमै नियन्त्रण गर्न सकियो भने जनधनको क्षतिलाई न्यूनीकरण गर्न सकिन्छ भन्दै दुःख गरेर आर्जन गरेको सम्पत्तिलाई क्षति हुन नदिन आगलागीका घटना जानकारी पाउने बित्तिकै घटनास्थल पुग्नुपर्ने कुरामा जोड दिए । प्रमुख कोइरालाले आज सबै बारुणयन्त्रको वस्तुस्थितिका बारेमा जानकारी हासिल गर्न अनुगमन गरेको थियो ।

प्रकाशित समय : २१:२५ बजे

प्रतिक्रिया दिनुहोस्

सम्बन्धित शीर्षकहरु