नेत्र विक्रम चन्द ‘विप्लव’ समूहको नेकपाका कार्यकर्ताले लमजुङको राइनास नगरपालिकाका प्रमुख प्रशासकीय अधिकृत माथि हातपात गरेका छन् ।

आइतबार बिहान सवा १० बजे प्रमुख प्रशासकीय अधिकृत प्रकाशराज पौडेललाई नगरपालिका स्थित आफ्नै कार्य कक्षमा काम गरिरहेकै बेला विप्लप समूहका दुईजना कार्यकर्ताले एक्कासी आएर हातपात सहित दुर्व्यवहार गरेको नगरपालिकाले जनाएको छ ।
आफू विप्लव समुहको कार्यकर्ता भनि परिचय दिएका दुई कार्यकर्ताले प्रशासकीय अधिकृत पौडेलसँग कुरा गर्न खोज्दा पौडेलले आफु काममा व्यस्त रहेको र पछि समय दिने जवाफ दिएपछि  हामीलाई समय नदिने भन्दै एक्कासी हातपात गरेको नगरपालिका स्रोतले बताएको छ ।

घट्ना लगत्तै नगरपालिकामा कार्यरत सम्पूर्ण कर्मचारीहरुले एक विज्ञप्ती निकाल्दै यस घट्नाप्रति गम्भिर ध्यानाकर्षण भएको जनाएका छन् । यस घट्नाले संविधानको भावना र मर्मलाई आत्मसाथ गर्दै सेवामा खटिएका कर्मचारीहरुको असुरक्षा बढेको भन्दै सेवामा कर्तव्यनिष्ट कर्मचारीको मनोवल गिराउने कार्य प्रति घोर भत्र्सना गरेका छन् । कर्मचारीहरुले विज्ञप्ती मार्फत यस घटनाले निर्धक्क भएर जनताको सेवा प्रवाह गर्ने अवस्था नभएको भन्दै आगामी दिनमा कार्यस्थलको सुरक्षको प्रत्याभूति दिलाउन, भयरहित सहज वातावरणमा सेवा प्रवाह सुनिश्चितताका लागि माग गरेका छन् ।

उनीहरुले घट्नाको सत्य तथ्य छानविन गरी दोषीलाई कानुन बमोजिम कारबाही गर्न समेत माग गरेका छन् । यता घट्नामा संलग्नहरुको खोजीकार्य भैरहेको प्रहरीले जनाएको छ ।