भातरमा जारी १३ औँ संस्करणको एकदिवसीय क्रिकेट विश्वकपको आज अन्तिम खेल हुँदैछ । अर्थात आज विश्वक क्रिकेटको फाइनल भिड्न्त हुँदैछ । फाइनमा आयोजक भारत र अष्ट्रेलिया भिड्ने छन । यो विश्वकपमा भारत अपराजित रहेको एक्लो टोली हो । प्रारम्भिक चरणका ९ र सेमिफाइनलको एक खेल गरि भारत लगातार १० खेलमा अपराजत रहेको छ ।

अष्ट्रेलिया भने समूहगत चरणमा भारत र दक्षिण अफ्रिकासँग पराजित भएको थियो । यो विश्वकपको ट्रफि उचाल्नका लागि भारत र अष्ट्रेलिया एक कदम मात्रै टाढा छन् । उच्च लयमा देखिएको भारतले यो पटकको विश्वकप उपाधि घरमा नै राख्ने क्रिकेट विश्लेषकहरुको भनाइ छ । तर क्रिकेटमा सबै कुरा सम्भव हुने भएकाले फाइनलको एक हारले भारतको तेस्रो पटक उपाधि उचाल्ने सपना चकनाचुर बनाइदिन सक्छ ।

यो फाइनललाई सन् २००३ को फाइनको पुनरावृतिका रुपमा लिइएको छ । त्यो बेला भारलताई पराजित गर्दै अष्ट्रेलियाले उपाधि जितेको थियो । सन् २००३ को कप्तानी गरेका भारतका सौरभ गांगुलीले यो विश्वकपको फाइनमा २००३ को भन्दा फरक नतिजा आउने बताएका छन् । तर अहमदावादस्थित नरेन्द्र मोदी स्टेडियममा नेपाली समयअनुसार दिउँसो सवा २ बजे खेल सुरुहुँदा भारतलाई उपाधि चुम्नेसँगै एउटा हारले मुखमा आएको गास फुत्किने डर हरने छ ।

सेमिफाइनसम्मको खेलको विश्लेषण गर्ने हो भने भारतलाई गतिलो जबाफ दिन सकेको टोलीका रुपमा न्यूजिल्याण्ड मात्रै देखियो । भारतलाई सेमिफाइन र समूहगत चरणमा पनि न्यूजिल्याण्डले कडा टक्कर दिएको थियो । ती बाहेक अरु सबै खेलमा भारत विपक्षी विरुद्ध निकै खरो उत्रेको थियो । अष्ट्रेलियाले भने सेमिफाइनमा दक्षिण अफ्रिकाले दिएको २१३ रनको लक्ष्य परा गर्नका लागि पनि ७ विकेट गुमाएको थियो ।

यो हिसाबले हेर्दा भारतको सम्भावना केही बढी छ उपाधि जित्नेमा । तर खेलमा यसै भन्न सकिदैन त्यस माथि क्रिकेट त अनिश्चितताको खेल हो । यसमा कुनै पनि समय खेलले अर्कै मोड लिन सक्छ ।
यो विश्वकपको फाइनमा धेरै रन बनाउने र धेरै विकेट लिने खेलाडी विचको प्रतिपस्र्धा समेत हुने छ । यो विश्वकपको फाइन हुनु भन्दा अघिसम्मको आंकडा हेर्दा सबैभन्दा धेरै रन बनाउने र विकेट लिने खेलाडीमा भारतीय खेलाडी रहेका छन् । अहिलेसम्म भारतका विराट कोहलीले ७११ रन बनाएका छन् भने भारतकै मोहमद सामीले २३ विकेट लिएर धेरै विकेट लिने खेलाडीको शिर्ष स्थान कब्जा गरेका छन् ।

अहिलेसम्मको अवस्थामा कोहली यो विश्वकपमा धेरै रन बनाउने खेलाडी बन्ने निश्चित जस्तो देखिन्छ । किनभन्ने उनीभन्दा पछि रहेका खेलाडीहरुमा भारतका कप्तान रोहीत शर्मा र अष्ट्रेलियाका डेविट वार्नर हुन । उनीहरुले विराट कोहलीलाई भेट्नका लागि आजको खेलमा कोहली सस्तैमा आउट भएर उनीहरुले करिब २०० रनको पारी खेल्नु पर्ने हुन्छ । जुन असम्भव जस्तै देखिन्छ ।

धेरै विकेट लिने खेलाडीको दोस्रो स्थानमा अष्ट्रेलियाका याडम जाम्पा रहेका छन् । उनी सामीभन्दा १ विकेटले पछि रहेका छन् । आजको खेलमा यी दुई बीचको प्रतिस्पर्धा निकै हर्न लायक हुने छ । यो प्रतियोगितामा भारको ब्याटिङ र बलिङ दुवै निकै उत्कृष्ट रहेको छ । अष्ट्रेलियाको ब्याटिङमा स्थिर प्रदर्शन छैन । भारतका रोहित शर्मा, शुभमन गिल, विराट कोहली, लोकेश राहुल, श्रेयस अय्यर र सुर्या कुमार यादवले जसले यो विश्वकपमा निकै राम्रो ब्याटिङ गरेका छन् । यो ब्याटिङ लाइनलाई रोक्नका लागि अष्ट्रेलियन बलरलाई निकै मेहनत गर्नु पर्ने देखिन्छ ।

त्यस्तै बलिङ आक्रमणमा मोहमद सामी, जसप्रित बुम्रा, मोहमद सिराजको सामना गर्नका लागि पनि अष्ट्रेलियन ब्याट्सम्यानलाई निकै चुनौति हुने छ । तिब्रगतिको बलिङ झल्दा झेल्दै स्पिनर रविन्द्र जडेजा र कुलदिप यादवको स्पिनको सामना गर्नु पर्ने हुन्छ ।

यता भारतले पनि अष्ट्रेलियाका डेविट वार्नर, ट्राभिस हेड, स्टीवन स्मिथ, मिचेल मार्श, मार्नस लाबुसचेन र ग्लेन म्याक्सवेल जस्ता ब्याट्सम्यानको सामना गर्नु पर्ने छ । यी खेलाडीले जस्तो सुकै अवस्थामा पनि ठूलो पारी खेल्न सक्छन् र खेललाई परिवर्तन गर्न सक्छन् । ग्लेन म्याक्सवेलले त यो विश्वकपमा दोहोरो शतक समेत लगाइसकेका छन् । घाइते भएको अस्थामा पनि उनले मैदानमा देखाएको बहादुरीले गर्दा अहिले उनको निकै चर्चा भइरहेको छ । उनले हारको मुखैमा पुगेको खेललाई पनि जितसम्म पुर्‍याएका थिए ।

त्यस्तै अष्ट्रेलियाको बलिङ आक्रमणको जिम्मेवारी मिचेल स्टार्क, एडम जाम्पा र जेस हजलउडको काधमा हुने छ । सुरुका ओभरमा स्टार्क र हजलउडको स्वीङको सामना गर्न भारतलाई त्यति सजिलो हुने छैन । त्यसपछि जाम्पाको स्पिन निकै खतरनाक हुन सक्छ भारतका लागि ।

विश्वकप विजेताले पाउने छ ४० लाख अमेरिकी डलर

यस विश्वकपको विजेताले ४० लाख अमेरिकी डलर अर्थात करिब ५३ करोड नेपाली रुपैयाँ पाउनेछन् । जबकि उपविजेताले २० लाख अमेरिकी पुरस्कार प्राप्त गर्नेछन् । सेमिफाइनलमा हारेका न्युजिल्यान्ड र दक्षिण अफ्रिका दुवैले आठ लाख डलर पाएका छन् । लिग चरणबाट बाहिरिएका सबै ६ टोलीले एक–एक लाख डलर प्राप्त गरेका छन् । यसका साथै लिग चरणमा १० वटै टोलीबिच खेलेका ४५ खेलको विजेता टोलीलाई प्रत्येक खेलमा विजयी भएबापत ४० हजार डलर प्रदान गरिने छ ।

प्रकाशित समय : १०:४८ बजे