यूएईस्थित नेपाली दूतावासले प्रत्येक हप्ताको सोमबार बिहान ११ बजे राहदानी आवेदनको फारमका लागि अपोइन्टमेन्ट खेल्ने भएको छ । प्रत्येक हप्ताको सोमबार बिहान ११ बजेभन्दा बाहेक अरू दिनसँग अन्य समयमा आवेदन दिन खोज्दा सिस्टमले दिने छैन ।

राहदानीको अवधि १ वर्षभन्दा कम भएकाहरूले नयाँ राहदानीको लागि आवेदन दिन सक्छन् । यसअघि एमआरपी भएकाहरूले नवीकरण गर्दा भने विद्युतीय राहदानी नै पाउँछन् ।

यसरी तोकिएको दिनमा तोकिएको समयमा अनलाइन सिस्टमबाट अपोइन्टमेन्ट लिँदा एक महिनापछिको समय पाइने दूतावासले जनाएको छ ।

दूतावासबाट राहदानीको आवेदन दिँदा कार्यालयमा उपस्थित भएर फोटो खिचाएको एक महिनाभित्र राहदानी हात पर्ने राहदानी विभागले जनाएको छ ।

प्रकाशित समय : १०:३९ बजे