गृहपृष्ठ मन्त्रिपरिषद्को बैठक बस्दै, वैकुण्ठ अर्याललाई मुख्यसचिव बनाइँदै
मन्त्रिपरिषद्को बैठक बस्दै, वैकुण्ठ अर्याललाई मुख्यसचिव बनाइँदै
महत्त्वपूर्ण केही निर्णय गर्न आज (बिहीबार) मन्त्रिपरिषद्को बैठक बस्दैछ । एक मन्त्रीका अनुसार बैठक अहिले बिहान साढे ९ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा सुरु हुनेछ ।
आजको बैठकले मुख्यसचिव परिवर्तन तथा राजदूत नियुक्तिबारे निर्णय गर्ने स्रोतले जनाएको छ । स्रोतका अनुसार वर्तमान मुख्य सचिव शंकरदास वैरागीलाई राजदूत बनाएर प्रधानमन्त्री तथा मन्त्रिपरिषद्को कार्यालयमा कार्यरत डा. वैकुण्ठ अर्याललाई मुख्यसचिव बनाउने तयारी सरकारले गरेको छ ।
वैरागीले अमेरिकाका लागि राजदूत बन्ने चाहना राखेका छन् ।
उक्त तयारीमा कुनै फेरबदल नआए अर्याल मुख्यसचिव बन्ने र वैरागी राजदूत बन्ने पक्का भएको स्रोतको भनाइ छ ।
प्रकाशित समय : ०८:५५ बजे
