जिल्ला सरकारी वकिल कार्यालय काठमाडौंले नक्कली भुटानी शरणार्थी प्ररकरणको अभियोगपत्र जिल्ला अदालत काठमाडौंमा दर्ता गरेको छ ।

सरकारी वकिल कार्यालयले ३० जना अभियुक्तहरूमाथि तयार पारिएको अभियोजन दर्ता गरिएको हो । मुद्दाको दर्ता नम्बर २२७१ रहेको छ भने विगो २७ करोड ८१ लाख कायम गरिएको छ । सोमबार प्रहरीले जिल्ला सरकारी वकिल कार्यालयमा उक्त प्रकरणमा आफ्नो रायसहितको अनुसन्धान प्रतिवेदन बुझाएको थियो ।

आठ सदस्यीय समितिले अभियोजन तयार पारेको हो । यो प्रकरण पूर्वउपप्रधानमन्त्री टोपबहादुर रायमाझीका बाबुछोरा, पूर्वगृहमन्त्री बालकृष्ण खाँण, नेपाल सरकारका सचिब टेकनारायण पाण्डे, तत्कालीन गृहमन्त्री रामबहादुर थापा बादलका छोरा र उनका सल्लाहकार ईन्द्रजित राई र उनका छोरालगात १६ जना पक्राउ परेका छन् ।

१४ जना भने फरार छन् । ३० जनाविरुद्ध पाँचवटा कसुरमा अभियोग लगाउने तयारी छ । उनीहरूमाथि संगठित अपराध, राज्यविरुद्धको अपराध, ठगी, सरकारी किर्ते र एकीकृत कसुरमा अभियोजन लगाइएको छ ।

प्रकाशित समय : १७:२७ बजे