अन्तर्राष्ट्रिय खेलका लागि ब्रेकपछि शहीद स्मारक ए डिभिजन लिगका छैटौं चरणका खेल आजदेखि सुरु हुँदैछन् ।

आज छैटौं चरणको सुरुवाती दुई खेल हुनेछन् । संकटा र एफसी खुमलटार बीचको खेल दिउँसो २ बजे एन्फा कम्प्लेक्स सातदोबाटोमा सुरु हुनेछ । पाँच खेलबाट संकटा र नवप्रवेशी खुमलटार दुवैको समान ६ अंक छ । संकटा आठौं र खुमलटार नवौ‌ स्थानमा छन् ।

यस्तै विभागीय डर्बीमा नेपाल एपीएफ क्लब र नेपाल पुलिस क्लबबीच दिउँसो २ बजे नै च्यासल मैदानमा खेल सुरु हुनेछ । यस सिजन उत्कृष्ट प्रदर्शन गर्दै दुई खेल जितिसकेको एपीएफ ७ अंकसहित छैटौं स्थानमा छ ।

पाँचौ चरणमा पुगेर पहिलो एक अंक जोडेको पुलिस यस सिजन कमजोर देखिएको छ । अहिलेसम्म जितविहीन रहेको पुलिस १ अंकसहित तालिकाको पुछारमा छ ।

प्रकाशित समय : ०९:२४ बजे