गृहपृष्ठ पूर्वाञ्चल ल्युब आयल लिमिटेडले आइपीओ जारी गर्ने
पूर्वाञ्चल ल्युब आयल लिमिटेडले आइपीओ जारी गर्ने
पूर्वाञ्चल ल्युब आयल लिमिटेड (पीएलओ)ले आइपीओ जारी गर्ने भएको छ । मोरङको सुन्दरहरैंचामा रहेको पीएलओले आगामी आर्थिक वर्षमा आइपीओ जारी गर्ने गरी पीएलओले सम्झौता गरेको छ ।
सेयर निस्कासनका लागि भएको सम्झौता पत्रमा पीएलओका प्रबन्ध निर्देशक भोलेश्वर दुलाल र क्यापिटलका प्रबन्ध निर्देशक दिनेश थकालीले बुधबार हस्ताक्षर गरेका छन् । पीएलओको ४ लाख कित्ता सेयर अल्फा प्लस भेन्चर्स लिमिटेडले खरीद गरेको छ ।
बुधबार नै अल्फा प्लस भेन्चर्सका प्रबन्ध निर्देशक अंगीश घिमिरे र पीएलओका प्रबन्ध निर्देशक दुलालबीच सेयर खरीदबिक्री सम्झौतामा समेत गरेका छन् । प्रालिका रुपमा रहेको पीएलओ पब्लिक कम्पनीमा गइसकेकाले सर्वसाधारणमा सेयर जारी गर्न लागिएको प्रबन्ध निर्देशक दुलालले बताए ।
आगामी आर्थिक वर्षमा कम्पनीले ५ लाख कित्ता सेयर सर्वसाधारणमा प्रिमियम मूल्यमा बिक्री गर्ने जनाइएको छ । सेयरमध्ये १० प्रतिशत अर्थात् ५० हजार कित्ता सेयर स्थानीयवासीलाई र ५० हजार कित्ता सेयर कर्मचारीलाई बिक्री गरी बाँकी रहेको ४ लाख कित्ता सेयर सर्वसाधारणमा बिक्री गरिने कम्पनीले जनाएकाे छ ।
प्रकाशित समय : १२:५६ बजे