गृहपृष्ठ कांग्रेस केन्द्रीय कार्यसमिति बैठक फेरि सर्यो
कांग्रेस केन्द्रीय कार्यसमिति बैठक फेरि सर्यो
फाइल तस्बिर ।
नेपाली कांग्रेसकाे केन्द्रीय कार्यसमिति बैठक अनिश्चितकालका लागि स्थगित भएकाे छ ।
सरकारबाट बाहिरिएपछि पहिलो पटक बस्न लागेको कांग्रेस केन्द्रीय कार्यसमिति बैठक स्थगित भएकाे हो । कांग्रेस केन्द्रीय कार्यालयका मुख्य सचिव कृष्णप्रसाद पौडेलले माघ १५ गते बस्ने भनिएको बैठक अर्को सूचना प्रकाशित नहुञ्जेलसम्मका लागि स्थगित गरिएको जानकारी गराएका छन् ।
बैठकका लागि प्रतिनिधि सभा र प्रदेश सभा सदस्य निर्वाचन-२०७९ को समीक्षा, समसामयिक राजनीतिक सन्दर्भ र विविध गरी तीनवटा एजेन्डा तय गरेको थियो ।
यसअघि पनि गत पुस २२ का लागि बोलाइएको केन्द्रीय कार्यसमिति बैठक पुस २८ गतेका लागि सारिएको थियो । साेही बैठक माघ १५ का लागि सारिएकाे थियाे ।
प्रकाशित समय : १३:२२ बजे
