गृहपृष्ठ ग्लोबल आइएमई बैंकको अधिकांश सूचकले मार्‍यो फड्को

ग्लोबल आइएमई बैंकको अधिकांश सूचकले मार्‍यो फड्को

ग्लोबल आइएमई बैंकको अधिकांश सूचकले मार्‍यो फड्को

बैंक अफ काठमाण्डूसँग हालै मर्ज गरेको ग्लोबल आइएमई बैंकको चालु आर्थिक वर्षको दोस्रो त्रैमासमा खुद नाफा ४.४७ प्रतिशत बढेर २ अर्ब ७८ करोड रुपैयाँ आर्जन गरेको छ । गत आर्थिक वर्षको सोही अवधिमा बैंकले २ अर्ब ६६ करोड रुपैयाँ खुद नाफा आर्जन गरेको थियो ।

समीक्षा अवधिमा बैंकको खुद ब्याज आम्दानी ३६.४५ प्रतिशत बढेर ६ अर्ब ५४ करोड रुपैयाँ, सञ्चालन मुनाफा ३.१९प्रतिशत बढेर ३ अर्ब ७९ करोड रुपैयाँ र वितरणयोग्य मुनाफा १ अर्ब ११ करोड रुपैयाँ रहेको छ । बैंकको चुक्ता पुँजी ३५ अर्ब ७७ करोड रुपैयाँ र जगेडा कोष ७१.१४ प्रतिशतले बढेर १८ अर्ब ३१ करोड रुपैयाँ, निक्षेप ४ खर्ब ३ अर्ब रुपैयाँ र कर्जा प्रवाह ३ खर्ब ६३ अर्ब रुपैयाँ पुगेको छ ।

समीक्षा अवधिमा बैंकको प्रतिसेयर आम्दानी घटेर १८.०७ रुपैयाँमा झरेको छ । गत वर्षको सोही अवधिमा प्रतिसेयर आम्दानी २२.३९ रुपैयाँ रहेको थियो । बैंकको मूल्य आम्दानी अनुपात ११.६४ गुणा छ भने प्रतिसेयर नेटवर्थ १५४.३४ रुपैयाँ रहेको छ ।

बैंकको निष्क्रिय कर्जा बढेर २.९२ प्रतिशत पुगेको छ । गत वर्ष सोही अवधिमा बैंकको खराब कर्जा १.१३ प्रतिशत थियो । सीडी रेसियो ८९.४३ प्रतिशत र आधार दर १०.८० प्रतिशत रहेको छ ।

प्रकाशित समय : १८:०० बजे

प्रतिक्रिया दिनुहोस्

सम्बन्धित शीर्षकहरु