सुनको मूल्य आज प्रतितोला एक लाख २६ सय रुपैयाँ पुगेको छ । यो मूल्य गत आठ महिनायताकै उच्च रहेकाे नेपाल सुनचाँदी व्यवसायी महासंघले जनाएकाे छ । यसअघि गत वैशाख ५ गते छापावाल सुन प्रतितोला एक लाख २५ सय रुपैयाँमा कारोबार भएको थियाे ।

महासंघकाअनुसार आज छापावाल सुन प्रतितोला एक लाख २६ सय रुपैयाँ र तेजाबी सुन प्रतितोला एक लाख २१ सय रुपैयाँमा कारोबार भइरहेको छ । सोमबार छापावाल सुन प्रतितोला एक लाख १७ सय रुपैयाँ र तेजाबी सुन प्रतितोला एक लाख १२ सय रुपैयाँमा कारोबार भएको थियो ।

मंगलबार चाँदीको मूल्य पनि १० रूपैयाँ बढेको छ । आज चाँदी प्रतितोला १ हजार ४१० रुपैयाँमा कारोबार भइरहेको छ ।

प्रकाशित समय : ११:३४ बजे