नेपाल क्रेडिट एण्ड कमर्स बैंक लिमिटेड (एनसीसी बैंक) को आर्थिक वर्ष २०७८/७९ को वार्षिक साधारणसभा सम्पन्न भएको छ ।

कमलादीस्थित नेपाल प्रज्ञा-प्रतिष्ठानमा शुक्रबार सम्पन्न साधारण सभामा प्रस्ताव गरिएको ३.३६  प्रतिशत बोनस सेयर र ७.६३ प्रतिशत नगद लाभांश (लाभांशमा लाग्ने करसमेत) गरी जम्मा ११ प्रतिशत लाभांश वितरणको प्रस्तावसहित सबै प्रस्ताव सर्वसम्मत रुपमा पारित भएकाे छ । सभाबाट पारित ३.३६ प्रतिशत बोनस सेयरपश्चात यस बैंकको चुक्ता पूँजी ११ अर्ब ५१ करोड ४६ लाख ७८ हजार १४ रुपैयाँ पुग्नेछ ।

आर्थिक वर्ष २०७८/७९ मा बैंकको निक्षेप परिचालन २७.७१ प्रतिशतले वृद्धि भई १४१ अर्ब ५० करोड रुपैयाँ पुगेको छ । त्यसैगरी बैंकले १२४ अर्ब ८७ करोड रुपैयााँ खुद कर्जा प्रवाह गरी २७.०१ प्रतिशतको वृद्धि हासिल गरेको छ ।

हाल बैंकले ७ वटै प्रदेशमा गरी जम्मा १५६ शाखा र १४४ एटीएम र १५ एक्टेन्सन काउण्टरमार्फत सेवा प्रदान गरिरहेको छ ।

प्रकाशित समय : १४:०२ बजे