निलम्बित प्रधानन्यायाधीश चोलेन्द्रशमसेर राणाले आइतबारदेखि सर्वाेच्च अदालतको नियमित काममा फर्किने सन्देश पठाएपछि न्यायालय तरंगीत भइरहेको छ ।

आफुविरुद्ध छानबिनका लागि बनेको महाभियोग सिफारिस समितिले शनिबारमात्रै राणाविरुद्ध महाभियोग लगाउन सिफारिस गरेको छ । ठिक यसैबेला राणाले आफु नियमित जिम्मेवारीमा फर्किने सन्देश सर्वाेच्च प्रशासनलाई पठाएका हुन् ।

राणा फर्किने सन्देश लगत्तै सर्वाेच्च अदालतका न्यायाधीशले असहयोग गर्ने तयारी गरेका छन् भने नेपाल बार एशोसिएसनले राणालाई अवरोध गर्ने तयारी गरेको छ ।

शनिबार राति नै महाभियोग सिफारिस समितिले सभामुख अग्निप्रसाद सापकोटालाई प्रतिवेदन बुझाएको थियो । तर आफुमाथि छानबिन गरिरहेको प्रतिनिधिसभाको कार्यकाल नै सकिएकाले महाभियोगको अस्तित्व सकिएको भन्दै आफू पदमा बहाल हुने खबर राणाले गरेका हुन् ।

यता, प्रतिनिधिसभाको ११ औं अधिवेशन शनिबार मध्यरातबाट अन्त्य भएको छ । अधिवेशन सकिए पनि राणाको निलम्बन निरन्तर रहने महाभियोग सिफारिस समितिले प्रतिवेदनमा उल्लेख छ ।

प्रकाशित समय : ०८:२३ बजे