आइएमई मोटर्सले ‘चाडपर्व हर्षको बहार लैजानुहोस् छानी छानी उपहार’ नामक अफर ल्याएको छ ।

नेपाली बजारमा उपलब्ध अशोक लेल्यान्ड ब्रान्डका बस वा ट्रक टिपर किन्दा सिंगापुर टुरलगायतका विभिन्न आकर्षक उपहार पाउन सकिने भएको छ । यी सवारी साधन किन्दा जिस्पा इलेक्ट्रिक भेइकल, २४ क्यारेट सुन वा एक जोडी सिंगापुर टुर गर्न सकिने अफर उपलब्ध हुने भएको छ ।

अशोक लेल्यान्डको नेपालका लागि आधिकारिक वितरक आइएमई मोटर्स प्रालिले आइरहेको चाड पर्वलाई लक्षित गरी अफर सार्वजनिक गरेको हो । अशोक लेल्यान्डका यी सवारी साधन खरिद गर्दा ७० प्रतिशतसम्म फाइनान्सको सुविधासमेत कम्पनीले उपलब्ध गराइरहेको छ ।

नेपाली बजारमा अशोक लेल्यान्डका चिताह बस, एमआइटीआर बस, लिंक्स स्मार्ट बस, भाइकिङ बस र स्कुल बस उपलब्ध छन् । त्यसैगरी ट्रक ६ ह्विलर, १० ह्विलर र १२ सम्म उपलब्ध छन् भने टिपर पनि विभिन्न मोडलका ६ देखि १२ ह्विलरसम्म उपलब्ध छन् ।

प्रकाशित समय : १८:०६ बजे