पछिल्लो २४ घण्टामा नेपालमा थप ५ सय ५३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ३ हजार ७ सय ७९ नमुना परीक्षण गरिएकामध्ये २ हजार ४० जनामा गरिएको आरटी पीसीआर परीक्षणमा ४ सय ५१ जनामा कोरोना संक्रमण पुष्टि भएको हो । साथै १ हजार ७ सय ३९ जनामा गरिएको एन्टिजेन परीक्षणमा १ सय २ जनामा कोरोना संक्रमण पुष्टि भएको हो ।

आइतबा कोरोना संक्रमणबाट कसैको पनि ज्यान गएको छ । हालसम्म कोरोनाबाट मृत्यु हुनेको संख्या ११ हजार ९ सय ७१ जना रहेको छ ।

मन्त्रालयका अनुसार आइतबार थप ४ सय ३३ जना कोरोनामुक्त भएका छन् । हालसम्म ९ लाख ७२ हजार ४ सय ९७ जनाले कोरोनालाई जितेका छन् । निको हुने दर ९८.२ प्रतिशत छ ।

नेपालमा हाल सक्रिय कोरोना संक्रमितको संख्या ५ हजार ६ सय ५९ जना पुगेको छ । संक्रमितमध्ये ५ हजार ५ सय ७ जना होम आइसोलेसनमा र १ सय ५२ जना संस्थागत आइसोलेसनमा, ४५ जना आइसीयूमा र ३ जना भेन्टिलेटरमा उपचाररत छन् ।

प्रकाशित समय : १५:४५ बजे