moneygram ime

गृहपृष्ठ नेप्से ६.७२ अंकले घट्यो, कारोबार रकममा वृद्धि

नेप्से ६.७२ अंकले घट्यो, कारोबार रकममा वृद्धि

नेप्से ६.७२ अंकले घट्यो, कारोबार रकममा वृद्धि
citizen life insurance

आज बुधबार पनि नेप्से घटेकाे छ । आज नेप्से परिसूचक ६.७२ अंकले घटेको हाे । काराेबार अवधिमा ४ अर्ब २ करोड ९९ लाख रुपैयाँ बराबरको सेयर खरिदबिक्री भएका छन् ।

मंगलबारको तुलनामा कारोबार रकम भने बढेको हाे । मंगलबार ३ अर्ब २९ करोड ३२ लाख रुपैयाँ बराबरको सेयर खरिदबिक्री भएकाे थियाे ।

आज कारोबारमा आएका १३ वटा समूहगत परिसूचकमध्ये चार वटाको परिसूचक बढेको छ भने बाँकी नौ समूहको घटेको छ । व्यापार समूहको परिसूचक सर्वाधिक ३.८१ प्रतिशतले बढेको छ भने जलविद्युत समूहको परिसूचक १.६४ प्रतिशतले बढेको हो । अन्य समूहको परिसूचक सर्वाधिक १.११ प्रतिशतले घटेको छ ।

बुधबार सामलिङ पावरको सेयर मूल्य सर्वाधिक ९.९९ प्रतिशतले बढेर प्रतिकित्ता मूल्य ६१५ रुपैयाँ ७० पैसा कायम भएको छ । त्यस्तै, बलेफी हाइड्रोपावरको सेयर मूल्य ९.९७ प्रतिशतले बढेर प्रतिकित्ता मूल्य ३२९ रुपैयाँ ७० पैसामा कारोबार भएको छ ।

आज सेयर मूल्य सर्वाधिक घट्नेमा स्ट्याण्डर्ड चार्टर्ड बैंक र गुडविल फाइनान्स रहेको छ । स्ट्याण्डर्ड चार्टर्ड बैंकको सेयर मूल्य ३.९२ र गुडविल फाइनान्सको सेयर मूल्य ३.४३ प्रतिशतले घटेर अन्तिम मूल्य क्रमशः ४५६ र ५८९ रुपैयाँ १० पैसा कायम भएको छ ।

बुधबार सर्वाधिक सेयर खरिदबिक्री शिवम् सिमेन्टको भएको छ । कम्पनीको २५ करोड ३४ लाख रुपैयाँ बराबरको सेयर खरिदबिक्री भएको हो ।

प्रकाशित समय १६:०३ बजे

प्रतिक्रिया दिनुहोस्

सम्बन्धित शीर्षकहरु

muktinath bikas bank