पछिल्लो २४ घण्टामा नेपालमा थप ८९५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ५ हजार ९ सय ९ नमुना परीक्षण गरिएकामध्ये ३ हजार ६ सय ८५ जनामा गरिएको आरटी पीसीआर परीक्षणमा ६३२ जनामा कोरोना संक्रमण पुष्टि भएको हो । साथै २ हजार २ सय २४ जनामा गरिएको एन्टिजेन परीक्षणमा २ सय ६३ जनामा कोरोना संक्रमण पुष्टि भएको हो ।

सोमबार थप १ जनाको कोरोना संक्रमणबाट ज्यान गएको छ । योसँगै कोरोना संक्रमणबाट मृत्यु हुनेको संख्या ११ हजार ९ सय ६८ पुगेको छ ।

मन्त्रालयका अनुसार सोमबार थप २६४ जना कोरोनामुक्त भएका छन् । हालसम्म ९ लाख ७० हजार ३ सय २७ जनाले कोरोनालाई जितेका छन् । निको हुने दर ९८.३ प्रतिशत छ ।

नेपालमा हाल सक्रिय कोरोना संक्रमितको संख्या ४ हजार ९ सय ३४ जना पुगेको छ । संक्रमितमध्ये ४ हजार ७ सय ९२ जना होम आइसोलेसनमा र १ सय ४२ जना संस्थागत आइसोलेसनमा, ३६ जना आइसीयू र ५ जना भेन्टिलेटरमा उपचाररत छन् ।

प्रकाशित समय : १५:५९ बजे