सत्ता गठबन्धन र सरकारको नेतृत्व गरेको दल नेपाली काँग्रेसको विद्यार्थी संगठन नेविसंघले राष्ट्र बैंकका गभर्नर महाप्रसाद अधिकारीको राजीनामा माग्दै बालुवाटार घेर्ने भएको छ ।

नेविसंघसहित सत्ताघटककै दोस्रो ठूलो दल नेकपा माओवादी केन्द्रनिकट अखिल (क्रान्तिकारी)समेत गभर्नर अधिकारीको राजीनामा माग्दै सडकमा आउनेछ । उनीहरुले गभर्नर अधिकारीको राजीनामाको माग गर्दै बालुवाटार घेराउ र विरोध प्रदर्शन गर्ने भएका हुन् ।

दलीय संलग्नता र शैक्षिक योग्यता समेतका विषयहरूमा प्रश्न उठेको भन्दै युवा विद्यार्थी संगठनहरु केही दिनयता आन्दोलित रहेका छन् ।

आइतबार बिहान १० बजे प्रधानमन्त्री निवास बालुवाटारको ३ नम्बर गेटसँगै रहेको नेपाल राष्ट्र बैंकको गेटमा जम्मा भई गभर्नर अधिकारीलाई कार्यालय प्रवेशमा रोक लगाउने कार्यक्रम रहेको विद्यार्थी नेताहरुले जनाएका छन् ।

प्रकाशित समय : ०९:४७ बजे