fbpx
Rashifal Ad
Nepal Mediciti

गृहपृष्ठ इन्द्रजात्रा सुरु, हनुमानढोकामा लिंगो ठड्याइयो (फोटो फिचरसहित)

इन्द्रजात्रा सुरु, हनुमानढोकामा लिंगो ठड्याइयो (फोटो फिचरसहित)

यँया पुन्हीका अवसरमा काठमाडौँको हनुमानढोकाको कालभैरव अगाडि परम्परानुसार विधिपूर्वक लिंगो ठड्याइएको छ । नेपाल भाषामा यसलाई योसिँ स्वाय्गु भनिन्छ ।

अ यँलाथ्व अर्थात् मंगलबार भाद्रशुक्ल द्वादशीका दिन इन्द्रध्वजोत्थानसँगै विधिवत् रूपमा इन्द्रजात्रा (यँया) सुरु भएको हो । यँलाथ्व अष्टमीका दिन भोटाहिटीबाट ‘योसिँ’ (लिंगो) तानेर तलेजु मन्दिर अगाडि सिंध्वाकामा ल्याइएको लिंगो मंगलबार बिहान ९:१५ बजेको साइतमा ठड्याइएको उक्त कार्यमा संलग्न मानन्धर समुदायले जनाएको छ ।

मंगलबारैदेखि योसिँको मुनि सानो फलामको खोरमा ऐरावत हात्तीमा विराजमान स्वर्गका राजा देवराज इन्द्रलाई  पनि प्रदर्शन गरिएको छ । किंवदन्तीअनुसार इन्द्रकी आमाले यँलागा तृतीयाका दिन वसुन्धरादेवीको व्रत बस्न नेपालमण्डलमा ‘पालिजा स्वाँ’ (पारिजातको फूल) र छिक्छिक बुँ (एक फूलको कोपिला) लिएर आउन छोरा इन्द्रलाई अह्राइन् ।

सोहीअनुसार इन्द्रले नेपालमण्डलस्थित मरुहिटीको पश्चिमपट्टि एक घरको बगैँचामा घरधनीसँग नसोधी पारिजातको फूल चोरेर लैजान लाग्दा येँलाथ्व द्वादशीका दिन उपाकू यात्रामा रहेका मानिसले इन्द्रलाई पक्रेर तान्त्रिक विधिबाट पञ्चसूत्रले बाँधेर राखी सजाय दिएका थिए । छोरा धेरै समयसम्म नफर्केको देखेर इन्द्रकी आमा स्वयं मर्त्यलोक अर्थात् नेपालमण्डलमा आइन् । काठमाडौँमा धान फलाउन हुस्सु पठाइदिने र पितृहरुलाई स्वर्ग लगी तारिदिने वचन दिने सर्तमा उनलाई मुक्त गरिएको थियो ।

इन्द्रजात्राको प्रारम्भसँगै नेपालमण्डलका केही चोक र गल्लीका साथै लिंगो ठड्याइएको स्थान तथा काष्ठमडपको दायाँ, वंघःमा उच्चस्थानमा सबैले देख्ने गरी इन्द्रलाई पञ्चसूत्रले बाँधेर खोरभित्र कैद गरी प्रदर्शन गरिराख्ने प्रचलन छ ।

काठमाडौँमा इन्द्रजात्रा सुरु भएसँगै कुमारी, गणेश तथा भैरवको रथयात्रा, मजिपातका रञ्जित समुदायबाट लाखे तथा झ्यालिन्चा नाच, सव भक्कु नाच, पुलुकिसी नाच पनि प्रदर्शन गरिन्छ । देशका विभिन्न पर्व तथा जात्रामध्ये इन्द्रजात्रा बूढाबूढीदेखि केटाकेटीसम्म रमाउने निकै रमाइलो जात्राका रुपमा लिइन्छ । लिंगो ठड्याउने जात्रा अर्थात् इन्द्रध्वजोत्थान हेर्न हनुमानढोका वरपर ठूलो संख्यामा मानिसको भीड लागेको थियो ।  त्यस अवसरमा गुरुजुको पल्टनले तोप पड्काउनाका साथै विशेष धुन बजाएको थियो ।

तस्बिर : सुनिल प्रधान

प्रकाशित समय १५:३३ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु