fbpx
corona information

गृहपृष्ठ नेपालको भूमिमा नेपालीलाई अवरोध नगर्न भारतलाई जवाफी पत्र

नेपालको भूमिमा नेपालीलाई अवरोध नगर्न भारतलाई जवाफी पत्र

दार्चुलाको कालापानी, लिपुलेक र लिम्पियाधुरा नेपालको भएकाले नेपालीलाई प्रवेशमा अवरोध नगर्न भारतलाई दार्चुला जिल्ला प्रशासन कार्यालयले जवाफी पत्र पठाएको छ । भारतले दार्चुलाको कालापानी, लिम्पियाधुरा र लिपुलेक क्षेत्रलाई आफ्नो भन्दै नेपालीको प्रवेश रोक्न पत्राचार गरेपछि नेपालले जवाफी पत्र पठाएको हो ।

दार्चुला प्रशासनले सीमावर्ती धार्चुलाका जिल्ला अधिकारीलाई पत्र लेखेर भारतले दाबी गरेको क्षेत्र नेपालको भएकाले नेपालीलाई दुःख नदिन जवाफ पठाएको हो । गृह मन्त्रालयको निर्देशनपछि मंगलबार धार्चुलाका जिल्ला अधिकारीलाई जवाफी पत्र लेखिएको प्रमुख जिल्ला अधिकारी शरदकुमार पोखरेलले जानकारी दिए ।

नेपालले भारतलाई लेखेको जवाली पत्रमा ‘सुगौली सन्धी तथा त्यस समयमा प्रकाशित नक्साहरू र ऐतिहासिक तथ्य–प्रमाणबाट लिम्पियाधुरा, नाबी, कुटी, गुन्जी, लिपुलेक, कालापानीलगायत क्षेत्र नेपालको भूभाग रहेको भन्ने प्रस्ट भएकाले यी नेपाली भूभागहरूमा नेपालीको आवतजावत स्वाभाविक नै रहेको हुँदा बाधा–अड्चन नगर्न’ भनिएको छ ।

असार ३० गते भारतको धार्चुला प्रशासनले कालापानी, लिम्पियाधुरालगायत क्षेत्रमा नेपालीहरु अवैध रुपमा चोरीछिपी रहेको भन्दै प्रवेश रोक्न नेपाललाई पत्र पठाएको थियो । पत्रमा ‘भारतीय क्षेत्र गुन्जी, लिपुलेक र लिम्पियाधुरामा नेपाली गुट र समूह अवैध रूपमा चोरीछिपी सीमा पार गर्न कोशिस गरिरहेको विशिष्ट सूत्रबाट जानकारी मिलेको’ उल्लेख थियो ।

प्रकाशित समय ०८:२६ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु