fbpx
corona information

गृहपृष्ठ कोभिड–१९ कारण विश्व अर्थतन्त्रमा ८८ खर्ब डलरसम्म क्षति : एडीबी

कोभिड–१९ कारण विश्व अर्थतन्त्रमा ८८ खर्ब डलरसम्म क्षति : एडीबी

दक्षिण एसियाको क्षति २ खर्ब १८ अर्ब डलरसम्म पुग्ने

Spray_NewsKarobar तस्बिर साभारः एडीबी

एसियाली विकास बैंक (एडीबी)ले नोबल कोरोना भाइरस (कोभिड–१९) कारण विश्वव्यापी अर्थतन्त्रमा ५८ खर्बदेखि ८८ खर्ब अमेरिकी डलरसम्मको क्षति हुने नयाँ आँकलन सार्वजनिक गरेको छ । यो विश्वव्यापी कुल गार्हस्थ्य उत्पादन (जीडीपी)को ६.४ प्रतिशतदेखि ९.७ प्रतिशत बराबर रहेको एडीबीले जनाएको छ ।

बैंकले शुक्रबार सार्वजनिक गरेको ‘कोभिड १९ को सम्भावित आर्थिक प्रभावः अद्यावधिक मूल्यांकन’ प्रतिवेदनमा यदि यो संकट ३ महिनामै समाप्त भएमा एसिया तथा प्रशान्त क्षेत्रले १७ अर्ब अमेरिकी डलरको क्षति बेहोर्नु पर्ने (क्षेत्रीय जीडीपीको ६.२ प्रतिशत) तथा ६ महिनासम्म लम्बिएमा २५ खर्ब डलरको क्षति बेहोर्नु पर्ने प्रक्षेपण गरिएको छ, जुन क्षेत्रीय जीडीपीको ९.३ प्रतिशत हो भने विश्वव्यापी क्षतिको एक तिहाइ हो ।

दक्षिण एसियाले मात्र १ खर्ब ४२ अर्ब डलरदेखि २ खर्ब १८ अर्ब अमेरिकी डलरको क्षति बेहार्नु पर्ने बैंकको प्रतिवेदनमा उल्लेख छ । बैंकको स्थितिपत्रमा नेपालबारे छुट्टै उल्लेख नभए पनि भारत, बंगलादेश, पाकिस्तानसहितका देशहरूले अबलम्बन गरेका विभिन्न कडाइका कारण दक्षिण एसियालले यो क्षति बेहोर्नु पर्ने उल्लेख छ ।

बैंकले कोभिड–१९ को संक्रमण फैलनबाट रोक्नका लागि सीमा क्षेत्र बन्द गरिएको, यात्रा प्रतिबन्ध र लकडाउनका कारण विश्वव्यापी व्यापारमा १७ खर्बदेखि २६ खर्ब अमेरिकी डलरसम्म गिरावट आउने जनाइएको छ ।

यस्तै, यही कारणले विश्वव्यापी रोजगारीमा १५ करोड ८० लाखदेखि २४ करोेड २० लाखसम्म रोजगारी कटौती हुने, यसमध्ये एसिया प्रशान्त क्षेत्रको मात्रै कुल रोजगारीमध्ये ७० प्रतिशतले कटौती हुने आकलन गरिएको छ ।

रोजगारी कटौतीसहितका कारणले विश्वव्यापी रुपमा श्रम आयमा १२ खर्बदेखि १८ खर्ब अमेरिकी डलरसम्मले कमी आउने बैंकको प्रतिवेदनमा उल्लेख छ, यसमध्ये ३० प्रतिशत एसिया–प्रसान्त क्षेत्रमा कटौती हुनेछ । रकमगत आधारमा यस क्षेत्रका श्रम आयमा ३ खर्ब ५९ अर्बदेखि ५५ अर्ब अमेरिकी डलरसम्मको कमी आउने बैंकले जनाएको छ ।

विश्वभरिका सरकारहरूले महामारीसँग जुधनका लागि बजेटरी तथा मौद्रिक सहजरीकरण, स्वास्थ्य खर्चमा वृद्धि, आय तथा राजस्वमा हुने कमीलाई पूर्ति गर्नका लागि प्रत्यक्ष सहयोगजस्ता उपायहरू अबलम्बन गरिरहेको बैंकले उल्लेख गरेको छ । यी प्रयासहरूका कारण विश्वव्यापी आर्थिक क्षतिमा ३० देखि ४० प्रतिशतसम्म कमी ल्याउन सहयोग पुग्ने जनाइएको छ, यसले ४१ खर्बदेखि ५४ खर्ब अमेरिकी डलरसम्मले कमी आउने बैंकको निष्कर्ष छ ।

प्रकाशित समय १०:०६ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु