fbpx
corona information

गृहपृष्ठ लोक सेवा आयोगले खुलायो सुब्बा पदका लागि विज्ञापन

लोक सेवा आयोगले खुलायो सुब्बा पदका लागि विज्ञापन

लोक सेवा आयोगले ठूलो संख्यामा नायब सुब्बा (नासु) पदका लागि विज्ञापन खुलाएको छ । खुल्लाबाट ४११ र ज्येष्ठता र कार्यक्षमता मूल्यांकन बढुवाबाट ४३२ जना गरी ८४३ जना सुब्बाका लागि विज्ञापन खुला गरिएको हो ।

आयोगद्वारा प्रकाशित सूचनाअनुसार काठमाडौं कार्यालयबाट खुलामा १५०, ज्येष्ठताबाट ९८ र कार्यक्षमताबाट ४८ गरी जम्मा २९६ जनाका लागि विज्ञापन खुलाइएको हो । यस्तै बुटवल कार्यालयबाट खुल्लामार्फत् ५३ जना , ज्येष्ठताको आधारमा ३७ र कार्यक्षमताको आधारमा २२ जनालाई बढुवा गरी पदपूर्ति गरिने छ भने सुर्खेत कार्यालयबाट खुल्लामा २३, ज्येष्ठताको आधारमा १९ र कार्यक्षमताको आधारमा १० गरी कूल ५२ जना नासुको पदपूर्ति हुनेछ ।

धनकुटा कार्यालयबाट खुलामा ४७, ज्येष्ठताको आधारमा ३१ र कार्यक्षमताको आधारमा १८ गरी ९६ जना, जलेश्वर कार्यालयबाट खुलाबाट ४९, ज्येष्ठताको आधारमा ४९ र कार्यक्षमताको आधारमा २३ जना गरी कूल १२१ जना र पोखरा कार्यालयबाट खुल्लाबाट ५२, ज्येष्ठताको आधारमा ३५ र कार्यक्षमताको आधारमा १७ जनाको पदपूर्ति हुने आयोगले जनाएको छ ।

आयोगले दिपायल कार्यालयबाट खुलामा ३७ जनाको विज्ञापन खुलाएको छ । यस कार्यालयबाट ज्येष्ठताको आधारमा १६ र कार्यक्षमता मूल्यांकनबाट ९ जनाको बढुवा गरी पदपूर्ति गर्न लागेको हो । सूचनाअनुसार परीक्षा मिति पछि प्रकाशन हुने र परीक्षा केन्द्र केन्द्रीय कार्यालयबाहेक आयोगका सबै कार्यालयहरुमा तोकिने आयोगले जनाएको छ ।

दरखास्त दिने अन्तिम मिति माघ २० सम्म तोकिएको छ । दोब्बर दस्तुर तिरेर माघ २७ गतेसम्म दरखास्त दिन सकिने आयोगले सूचनामार्फत जनाएको छ ।

प्रकाशित समय ११:२१ बजे

प्रतिक्रिया दिनुहोस्

सम्बन्धित शीर्षकहरु