fbpx
corona information

गृहपृष्ठ फोहोरले धार्मिक सहर जनकपुर दुर्गन्धित, विरोधमा उत्रिए युवा

फोहोरले धार्मिक सहर जनकपुर दुर्गन्धित, विरोधमा उत्रिए युवा

जनकपुरधाम उपमहानगरपालिकाले हप्तौँदेखि फोहोर नउठाएपछि धार्मिक एवं सांस्कृतिक सहर जनकपुरधाम दुर्गन्धित भएको छ । नगरभर फोहोरको थुप्रो जम्मा भएर गन्हाउन थालेपछि स्थानीय युवाले उठाएर उपमहानगर कार्यालयको गेटमै थुपारेर विरोध जनाएका छन् ।

हप्तौँदेखि जनकपुरधामको रामानन्द चोक, जानकी चोक, जानकी मन्दिर, राजदेवी मन्दिरलगायतका स्थानमा थुपरिएको फोहोर जम्मा गरेर उनीहरुले ट्रयाक्टरमा राखेर उपमहानगरको मूल ढोकामा थुपारेका हुन् । फोहोर जम्मा गरेर उपमहानगरको मूल ढोकामा थुपार्न पुगेका युवाले जनकपुरधाम उपमहानगरपालिका प्रमुख, उपप्रमुखविरुद्ध नाराबाजी गरेका थिए ।

युवा अभियन्ता सरोज मिश्रले उपमहानगरले फोहोर व्यवस्थापनको नाममा प्रत्येक वर्ष करोडौँ रकम खर्चने गरेको तर सधैँ नगर ल्यान्डफिल्ड साइट जस्तो भएको बताए । उपमहानगरलाई घच्घच्याउनकै लागि फोहोरको डंगुर मूल ढोकामा थुपार्न बाध्य भएको मिश्रको भनाइ छ । अर्का अभियन्ता सुशील कर्णले फोहोर सफाइमा नगरपालिकाले ध्यान दिनुपर्ने बताए ।

प्रकाशित समय १३:५२ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु