fbpx
Nepal Mediciti

गृहपृष्ठ बझाङ सदरमुकाम चैनपुरलाई स्वच्छ राख्न सामूहिक प्रयास

बझाङ सदरमुकाम चैनपुरलाई स्वच्छ राख्न सामूहिक प्रयास

chainpur_bazar_newskarobar

बझाङ सदरमुकाम चैनपुरलाई स्वच्छ सफा र व्यवस्थित सहरका रुपमा विकास गर्न सामूहिक प्रयास सुरू भएको छ । सदरमुकाम चैनपुर वरिपरि सेती नदी र बाउली खोला रहेको चैनपुरलाई नमुना सहरको रुपमा विकास गर्न जयपृथ्वी नगरपालिकाले अगुवाइ लिएको हो ।

नगरपालिकासँगै सबै सरोकारवाला निकाय र निजी क्षेत्र पनि चैनपुर बजारलाई सभ्य र भव्य बनाउन लागिपरेका छन् । योग पताञ्जली समूहले ‘स्वच्छ सफा चैनपुर, हाम्रा अभियान’ भनेर ६ महिनादेखि प्रत्येक शनिबार बजार सरसफाइ अभियान गर्दै आएको छ । जयपृथ्वी नगरपालिकाले बजार सफा गर्ने कर्मचारीसहित ट्रिप्पर गाडीबाट दैनिक फोहोर उठाएर व्यवस्थापन गरिरहेको छ ।

आज पनि चैनपुर सरसफाइ अभियानअन्तर्गत प्रमुख जिल्ला अधिकारी, जिल्ला समन्वय समिति प्रमुख, नगरप्रमुख, नेपाली सेना, नेपाल प्रहरी, सशस्त्र प्रहरी, नागरिक समाज र सामाजिक संघसंस्थाका प्रतिनिधिको समूहले बजार सरसफाइ गरेको छ । टोलीले फोहोरलाई व्यवस्थापन गर्न माइकिङका साथै फोहोर उठाएर गाडीमा राख्ने घरदैलोमै पुगेर प्रत्यक घर र डेराबालाले कोठामा डस्डबिन राखेर आफ्नो फोहोर जथाभावी नफाली फोहोरको गाडीमा राख्ने सुझाव दिएका थिए ।

चैनपुरलाई स्वच्छ, सफा सहर अभियान बनाउने अभियन सुरु भएपछि महालक्ष्मी विकास बैंक र डिभिजन वन कार्यालयले बजार क्षेत्रका विभिन्न ठाउँमा फोहोर जम्मा गर्नका लागि डस्टबिन वितरण गरेका छन् ।

प्रकाशित समय १६:५३ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु