fbpx
corona information

गृहपृष्ठ अस्ट्रेलियाको मेलबर्नमा १११ दिनपछि खुल्यो लकडाउन

अस्ट्रेलियाको मेलबर्नमा १११ दिनपछि खुल्यो लकडाउन

अस्ट्रेलियाको दोस्रो ठूलो सहर मेलबर्नमा कोरोनाभाइरस महामारीका कारण लगाइएको लकडाउन १११ दिनपछि बुधबार अन्त्य गरिएको छ । यो लकडाउन अन्य ठाउँमा लगाइएको भन्दा लामो भएको अधिकारीहरुले बताएका छन् ।

लकडाउन खुला गरेपछि मेलबर्नबासीले राहत र सहजता महसुस गरेक छन् । ‘कठिन यात्रा सकिएको छ, धेरै लामो समय बिताउन जस्तो गाह्रो भएको थियो,’ एक मेलबर्नबासीलेले अन्तर्राष्ट्रिय सञ्चारमाध्यममा भनेका छन् ।

भिक्टोरिया राज्य सरकारले लकडाउन अन्त्य गर्ने घोषणा गरेसँगै यो क्षेत्रका व्यापारिक प्रतिष्ठान खुला भएका छन् । उनीहरुले कारोबार गर्न थालेका छन् भने कामदारहरुले काम गर्न पाएका छन् । लकडाउन खुल्ला गरिए पनि सडकमा भीडभाड नगर्न र मास्क नलगाई नहिँड्न भनिएको छ । घरदेखि २५ किलोमिटर टाढा हिँड्न पनि बन्देज गरिएको छ । सरकारी अधिकारीहरुले सकेसम्म घरबाटै काम गर्ने वातावरण मिलाउन सबैलाई आह्वान गरेका छन् ।

प्रकाशित समय १६:१६ बजे

प्रतिक्रिया दिनुहोस्

सम्बन्धित शीर्षकहरु