fbpx
corona information

गृहपृष्ठ फाइभजी: हामीलाई घरमा पनि यसको आवश्यकता किन पर्छ ?

फाइभजी: हामीलाई घरमा पनि यसको आवश्यकता किन पर्छ ?

स्मार्टफोनका लागि फाइभजीको उपयोगितामा कसैको सायदै दुई मत होला । तर, वाईफाई उपलब्ध हाम्रा घरमा यसको आवश्यकताका बारेमा कहिल्यै सोच्नु भएको छ ? विस्तारै वाईफाई पुरानो प्रविधिका रुपमा स्थापित हुँदैछ । भविष्यको स्मार्ट होम्सका लागि यो अपर्याप्त हुने सम्भावना प्रबल छ । हो, यही अवस्थामा फाइभजीको आवश्यकता पर्छ । मोबाइल प्रयोगका लागि झैँ फाइभजी प्रविधिको आवश्यकता भविष्यको घरका लागि कसरी पर्नेछ भन्नेबारे संक्षिप्त जानकारी यहाँ प्रस्तुत गर्ने प्रयास गरिएको छ ।

आफ्नो चरैतिर हेर्नुहोस् त । स्मार्टफोन्स, ट्याब्लेट्स र कम्प्युटरका साथै सेक्योरिटी क्यामेरा, स्पिकर, टीभी, लाइटनिङ प्रणालीलगायत हामीले विशेष ध्यान नदिने वस्तुहरुमा पनि यसको आवश्यकता उत्तिकै रहेको छ । गहिरिएर ध्यान नदिएता पनि हामी विस्तारै स्मार्ट घरहरुले उपलब्ध गराउने सहजतासाग हामी अभ्यस्त हुँदै गइरहेका छौँ ।

समयसँगै हरेक कुरा स्मार्टर हुँदै गइरहेका छन् । हरेक होम अप्लायन्सेस् कनेक्टेड हुँदैछन् र तिनले एकअर्कासँग सहज समन्वय गर्दै काम गरी सहजता उपलब्ध गराओस् भन्ने हाम्रो चाहना हो । यसले वाईफाईमाथि ठूलो बोझ थपिने निश्चित छ । फलस्वरुप न्यूनतम उत्पादन कनेक्ट गर्दा पनि यसको रेस्पोन्स टाइममा ढिलाई हुने सम्भावना रहन्छ । यस्तो समयमा फाइभजीको आवश्यकता अझ बढ्ने निश्चित छ । फाइभजी सहितको स्मार्ट होम्स अर्थात् असीमित कनेक्शन, तीव्र गति र तत्सम प्रतिक्रिया (ईन्स्ट्यान्ट रेस्पोन्स टाइम) ।

बहु-उपकरणहरु एकै समयमा एकै ब्याण्डविथमा कनेक्ट हुँदा इन्टरनेटको गतिमा समस्या हामी सबैले भोगेकै छौं । अझ ब्रोडब्याण्डको गति कम हुँदा यसले अझ तनाव दिन्छ । फाइभजीको साथमा कथाले स्वभाविक रुपमा अर्कै मोड लिने निश्चित छ । फाइभजीले मल्टि-गिगाबाइट स्पिडका साथै, बहु-संख्यक उपकरणलाई कनेक्टिभिटी प्रदान गर्ने क्षमता बोक्नुका साथै, डर्जनौँ वा सयौँ स्मार्ट उपकरणहरु स्मार्ट होममा कनेक्ट गर्ने क्षमता राख्छ । स्मार्टफोन, टीभी, कम्प्युटर, ट्याब्लेटलगायत तपाईँका सबै उपकरणले एकैसाथ हाई-डेफिनेशन मुभी डाउनलोड, म्यूजिक स्ट्रिम गर्ने वा ठूला अनलाईन गेम्सको मज्जा घरमा रहेका अन्य उपकरण तथा सेन्सरमा कुनै असरबिना लिन सकिन्छ । एआर/भीआर उपकरणहरु मार्फत हामीले भविष्यमा अझ सहज रुपमा स्मार्ट होम अनुभव लिन पाउने छौँ ।

कहिलेकाहीँ केही सेकेण्डले पनि जीवनमा धेरै ठूलो असर पार्न सक्छ । उदाहरणका लागि खतराको अवस्थाका बारेमा सुईँको पाउनेबित्तिकै अलार्म बजिहाल्नु पर्छ र धेरैजसो आपतकालीन उपकरणहरुले हामीलाई तत्सम प्रतिक्रिया दिनुपर्छ । फाइभजीको लो लेटेन्सिले कनेक्टेड उपकरणहरुको प्रतिक्रियाका लागि लाग्ने समयमा कटौती गराउँछ र सूचना प्रवाहमा तीव्रता प्रदान गर्छ । फाइभजीका माध्यमबाट स्मार्ट स्पिकर्स तथा घरको सेक्योरिटी प्रणाली अझ प्रतिक्रियात्मक बन्ने निश्चित छ । तसर्थ, लो लेटेन्सि (न्यून बिलम्बता) सहजताका लागि मात्र नभइ सुरक्षा र दिमागको शान्तिका लागि पनि अपरिहार्य छ ।

पछिल्लो समयमा स्मार्ट होम्समा वाईफाई र ब्ल्यूटूथलगायत सञ्चार प्राटोकलसको उपायोग हुन्थे । तर, एउटा सञ्जालमा जडित उपकरण र अन्य सञ्जालमा रहेका उपकरण एक(अर्कासँग अन्तक्र्रिया गर्न असमर्थ हुन्थे । यसले गर्दा एकीकृत स्मार्टहोम अनुभव उपलब्ध गराउन कठिनाइ हुने गरेको छ । यसको ठिक विपरीत फाइभजी सञ्जालमा कुनै पनि उपकरण सिधै कनेक्टेट हुन सक्छन् । साथै, समान प्रोटोकलको उपयोग गर्दै अन्य उपकरणसँग इन्टरकनेक्टड हुँदै अन्तक्र्रिया गर्ने छुटसमेत प्रदान गर्छ । यसले गर्दा विस्तृत स्मार्ट होम इकोसिस्टमको निर्माण गर्ने कार्यमा सहजता मिल्छ । फाइभजीले विद्यमान तारे (वायर्ड) पूर्वाधारमा निहित हुनुपर्ने बाध्यताको पनि अन्त्य गराउँछ । यसको माध्यमबाट विकट स्थान जहाँ ब्रोडब्याण्ड लगायतका सुविधा पनि उपलब्ध छैन, त्यस्ता स्थानमा समेत स्मार्ट होमको अत्याधुनिक प्रविधिको अनुभव लिन सकिन्छ ।

ओपोको फाइभजी इन्टरनेट अफ एक्स्पेरियन्स

धेरैले स्मार्ट होम लाइफस्टाइल अझै टाढाको कुरा हो भन्ने सोच्न सक्छन् । तर, ओपोले यस्तै विभिन्न सम्भावनालाई यथार्थमा परिणत गर्ने कार्यमा सफलता हात पारिसकेको छ । केही समय अगाडी ओपोले रेनो फाइभजीकेन्द्रित विश्वकै पहिलो फाइभजीद्वारा सञ्चारित स्मार्ट होटलको निर्माण गरिसकेको छ । ओपो फाइभजी होटले ६ महिनासम्म अष्ट्रेलियाका विभिन्न स्थानमा भ्रमण गर्दै यसका पाहुनालाई फाइभजी युगको स्मार्ट लिभिङ अनुभव प्रदान गरिसकेको छ । फाइभजी होटलमा ओपो रेनो फाइभजीमार्फत नियन्त्रण गर्न सकिने प्रशस्त नवप्रवर्तनात्मक तथा रोचक फाइभजी स्मार्ट होम उपकरणहरु उपलब्ध गरिएको थियो । पाहुनाहरुले भ्वाइस कमाण्डमार्फत नै प्रकाश तथा ब्याकग्राउण्ड म्यूजिक नियन्त्रण गर्न सक्थे । त्यसैगरी, एआर वारड्रोबमार्फत विभिन्न आउटफिट ट्राइ गर्नुका साथै, फाइभजी कनेक्टिभिटीमार्फत विना बफरिङ नेटफ्लिक्स पनि हेरेका थिए । ओपोको फाइभजी होटलले फाइभजी इन्टरनेट अफ एक्स्पेरियन्स वास्तवमा कस्तो हुन्छ भन्ने अनुभव प्रदान गर्नुका साथै, भविष्यको स्मार्ट लिभिङ कस्तो हुन्छ भन्ने झल्को दिएको थियो ।

कनेक्शनको अवधारणा जग मात्र हो, जबकि एकीकरण र अभिशरण भविष्य हो भन्ने ओपोको विश्वास छ । इन्टरनेट अफ एकस्पेरियन्सको युगलाई दृष्टिगत गर्दै अत्याधुनिक तथा विस्तृत स्मार्टहोम इकोसिस्टम निर्माण तथा विकासका लागि ओपोले विभिन्न स्मार्ट उपकरणहरु सार्वजनिक गर्दै आइरहेको छ । व्यक्तिगत, घर, यात्रा तथा कार्य सेटिङका लागि हबका रुपमा सेवा उपलब्ध गराउने फाइभजी सीपीई सिरिज यसैको एक उदाहरण हो । ओपोले एयरबड्स, वाट्चेज्, टीभी लगायतको बृहत्तर पोर्टफोलियोका साथै ओपो एआर, ग्लास जस्ता नवप्रवर्तनात्मक कन्सेप्ट प्रडक्ट्सको पनि निर्माण गरिसकेको छ । फाइभजीलाई व्यापक अपनत्व प्राप्त हुँदै जाँदा स्मार्ट होम्स र अन्य आईओटी उपकरणहरुले निश्चित रुपमा हामीलाई हाम्रो सोचभन्दा टाढाको फ्यूचरिस्टिक अनुभव प्रदान गर्नेछ ।

प्रकाशित समय १५:११ बजे

प्रतिक्रिया दिनुहोस्

सम्बन्धित शीर्षकहरु