fbpx
Dashain shuvakamana-long ad
corona information

गृहपृष्ठ ओपो एफ१७ को बिक्री सुरु, सिजनकै ‘स्लिकेस्ट’ फोन भएको दाबी

ओपो एफ१७ को बिक्री सुरु, सिजनकै ‘स्लिकेस्ट’ फोन भएको दाबी

नेपालमा आजदेखि ओपो एफ१७को फस्र्टसेलमार्फत बिक्री खुला गरिएको छ । सेप्टेम्बर २७ का दिन ओपो एफ१७प्रो, एन्को डब्ल्यू ५१ टीडब्ल्यूएस र ओपो वाट्चेजका साथमा ओपो एफ१७ पनि सार्वजनिक गरिएको थियो ।

सार्वजनिक गरिए पनि कार्यक्रममार्फत फोनको फस्ट सेल मितिबारे मात्र जानकारी दिइएको थियो । आजदेखि बजारमा उपलब्ध गरिएको ओपो एफ१७ को बजार मूल्य रु. ३३ हजार ९ सय ९० निर्धारण गरिएको छ । जम्मा ७.४५ एमएम मोटाई र १६३ ग्राम वजन रहेको ओपो एफ१७ सिजनकै स्लिकेस्ट फोन भएको कम्पनीको दाबी छ । ओपोको नेपालभर रहेका प्रमुख बिक्री केन्द्रहरुमार्फत एफ१७ उपलब्ध गरिएको छ । नेपालमा फोन ८ जीबी+१२८ जीबी भ्यारियन्टमा सार्वजनिक गरिएको हो ।

यस्ता छन् विशेषता:

ओपो एफ१७ को एक प्रमुख विशेषतामध्ये यसको वजन पनि एक हो । कम्पनी काप्रो भर्जनका तुलनामा एफ१७ मात्र ७.४५ एमएम मोटाइका साथ अझ पातलो बडीमा उपलब्ध गरिएको छ । त्यसैगरी प्रोभन्दा १ ग्राम कम यसको वजन जम्मा १६३ ग्राम रहेको छ । एफ१७ लाई स्न्यापड्रागन ६६२ एसओसी ओक्टा-कोर चिपसेट क्लक्ड एट २जीएचजेडले सञ्चारित गर्छ । उपकरणमा कलर ओएस ७.२ मा आधारित एण्ड्रोइड १० सञ्चालन प्रणालीको व्यवस्था गरिएको छ ।

ओपो एफ१७ मा सेल्फी क्यामेराका लागि वाटर-ड्रप नोट्चका साथमा ६.४४ इञ्चको फुल एचडी एमोलेड स्क्रिनको व्यवस्था गरिएको छ । साथै, फोनमा इन-डिस्प्ले फिंगरप्रिन्ट स्क्यानर पनि उपलब्ध छ । त्यसैगरी फोनको पछिल्लो भागमा एफ/२.२ सहित १६एमपी क्षमताको प्राइमरी शुटर ८एमपी वाइड-एंगल क्यामेरा र दुईवटा मोनो सेन्सरसहित क्वाड-क्यामेरा सेटअप दिइएको छ । त्यसैगरी, फोनको अघिल्लो भागमा १६एमपी क्षमताको शुटरको व्यवस्था फोनमा रहेको छ ।

यस फोनमा ४,०१५ एमएएच क्षमताको ब्याट्रीका साथै, टाइप-सी पोर्टमार्फत सपोर्ट हुने ३०वाट फास्ट चार्जिङ प्रविधि पनि उपलब्ध छ । नेपाली बजारमा लेडरजस्तो देखिने फिनिशका साथमा नेभी ब्ल्यू र डायनामिक अरेन्ज गरी दुई भिन्न रंगमा फोन उपलब्ध हुने कम्पनीले जानकारी दिएको छ ।

प्रकाशित समय १८:२५ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु