fbpx
corona information

गृहपृष्ठ ‘ओपो एफ१५’का उत्कृष्ट ३ फिचर्स : जसले बनायो अन्यभन्दा पृथक, आकर्षक र लोकप्रिय

‘ओपो एफ१५’का उत्कृष्ट ३ फिचर्स : जसले बनायो अन्यभन्दा पृथक, आकर्षक र लोकप्रिय

नेपालमा कम्पनीद्वारा पहिलोपटक अनलाइन लञ्च ईभेन्ट आयोजना गरी सार्वजनिक गरिएको ओपो एफ१५ले यसमा रहेको ४८एमपी अल्ट्रा वाइड एंगल माक्रो क्वाडक्याम र सुपर स्लिक डिजाइन मार्फत प्रयोगकर्तालाई व्यवसायिक फोटोग्राफी झैँ अनुभव प्रदान गरिरहेको कम्पनीले जनाएकाे छ ।

‘ओपो एफ१५ले विभिन्न नवप्रवर्तन र ट्रेण्डि प्रविधिहरुको समायोजनमार्फत ह्याण्डसेटकै माध्यमबाट धेरैभन्दा धेरै काम गर्न सकियोस् भन्ने चाहना राख्ने युवा पुस्तालाई अपिल गर्ने लक्ष्य राखेको छ । यूवा पुस्तामाझ ओपोका एफ सिरिज सर्वाधिक लोकप्रिय सिरिजका रुपमा प्रमाणित भइसकेको छ । एफ सिरिज अन्तर्गतको यो नयाँ उत्पादनले प्रयोगकर्ता अनुभवमा थप सुधार ल्याउँदै अझ व्यवसायिक (नजिक) देखिने तस्विर खिच्न सघाउँछ,’ एफ१५का बारेमा बोल्दै ओपो नेपालका प्रमुख कार्यकारी अधिकृत बबी ट्राओले भने ।

निर्माताका साथै उपभोक्तासमेत एफ१५ मार्फत पस्किएका नवप्रवर्तन तथा कार्य सम्पादनबाट पूर्ण रुपमा सन्तुष्ट रहेको कम्पनीको दावी छ । उपभोक्ताको माया र मागमार्फत एफ१५ले एफ सिरिजलाई नयाँ उचाइसमेत प्रदान गरिरहेको ओपोले जनाएको छ ।

व्यवसायिक फोटोग्राफी हत्केलामै

स्लिक प्याकेजमा उपलब्ध ओपो एफ१५मा कम्पनीले ४८एमपी अल्ट्रा वाइड एंगल माक्रो क्वाडक्याम उपलब्ध गरेको छ । फोनको मूल्य श्रेणीमा उपलब्ध उत्पादनहरु मध्ये नै यसको क्यामेरा उच्च क्षमताको हुनुका साथै अल्ट्रा प्रोफेसनल शट्स दिने क्षमता राख्छ । यसमा रहेको फोर(ईन(वान पिक्सेल कम्बिनेसन प्रविधिको प्रयोगले यसको ४८एमपी रियर क्यामेरा सेन्सरको डिजाइनमार्फत विस्तृत तथा गुणस्तरीय तस्बिर लिन सघाएको छ ।

यसमा रहेको वाइड एंगल मोडमार्फत प्रयोगर्ताले करिव ३ सेन्टिमिटरसम्म माक्रोको प्रयोग गर्दै सहजै अटोफोकस गर्न सक्छन् । यसर्थमा अब खानाका तस्बिर अझ लोभलाग्दो, अक्षर तथा कागजातहरु अझ स्पष्ट र खिच्न सहज हुनुका साथै, फूल तथा किराहरुका तस्बिर अझ सहज रुपमा थप आकर्षक तरिकाले लिन सकिन्छ ।

फोनका फ्रन्ट तथा पछिल्ला दुवैपट्टिका क्यामेरामा उपलब्ध एआई भिडियो ब्यूटिफिकेशन फिचरमा उपलब्ध गरिएको नयाँ अल्गोरिथमले हरेक अनुहारका लागि सुहाउँदो प्राकृतिक ब्यूटिफिकेसन एड्जस्टमेन्टका लागि कस्टमाइज्ड एनालाइसिस पनि उपलब्ध गराउँछ ।

आन्तरिक गायरोस्कोपका साथै ईलेक्ट्रोनिक ईमेज स्टेबलाइजेसन (ईआईएस) सुसज्जित ओपो एफ१५मा ओपोको अग्रणी एण्टि(शेक भिडियो पनि उपलब्ध गरिएको छ । शेकी (हल्लिरहेको) अवस्थामा समेत ओपो एफ१५ले स्पष्ट, शार्प र सटिक (कम्पनरहित) भिडियो खिच्न सघाउँछ । तसर्थ, तस्विर वा भिडियोमार्फत आफ्ना कथाहरु प्रस्तुत गर्न चाहनेहरुका लागि ओपो एफ१५ सटिक माध्यम हुन सक्छ ।

फोनमा कम्पनीले कम प्रकाश भएका स्थानमा समेत आकर्षक पोट्रेट फोटोग्राफीको मज्जा दिने सोचका साथ नाइट प्रोट्रेट मोड पनि उपलब्ध गराएको छ । कम्पनीले उपलब्ध गराएका पछिल्ला संस्करणका तुलनामा ओपो एफ१५ रहेको नाइट पाट्रेट मोडले अँध्यारो सडक, रेस्टूराँ, पार्कलगायत विशेष स्थानमा अझ सटिक पोट्रेट खिच्न सघाउँछ । त्यसैगरी, यसमा रहेको पोट्रेट एचडीआरले प्रत्यक्ष सूर्यको प्रकाश रहेका स्थानमा पहिलेका तुलनामा अझ सटिक र गुणस्तरीय पोट्रेट लिन सघाउँछ । फरक-फरक एक्स्पोजर सहितका तस्बिर लिएर यसलाई ईन्टेलिजेन्ट प्रविधिमार्फत एउटैमा मिलाएर एउटा विशिष्ट फोटो प्रस्तुत गर्छ । त्यसैगरी यसमा आवश्यकताअनुसार मिलान गर्न सकिने एड्जस्टेबल पोट्रेट बोकेह ईफेक्ट पनि उपलब्ध छ । यसको सहायतामार्फत प्रयोगकर्ताले आफ्नो चाहनाअनुसार ब्याकग्राउण्ड बोकेह ईफेक्ट समायोजन गर्न सक्छन् ।

अत्याकर्षक स्लिक डिजाइन र उत्कृष्ट परफरमेन्स

एक हातमा राखेर मज्जाले चलाउन सकियोस् भन्नेतिर विशेष ध्यान दिएर बनाइएको ओपो एफ१५को हल्कापन हातमा बोक्न वित्तिकै अनुभव हुन्छ । जम्मा ७.९ एमएमको पातलो आकार र १ सय ७२ ग्राम वजन भएको यसमा दिइएको डिजाइनका कारण यसको स्क्रिन रेसियो २०ः९ रहेको छ । यो पछिल्लो एफ११का तुलनामा ५ प्रतिशत थप पातलो र ९ प्रतिशत हल्का हो ।

यसमा प्रयोग गरिएको स्लिम डिजाइनका कारण ओपो एफ१५ सहजै खल्तीमा बोक्न सकिन्छ । यसमा रहेका चार क्यामेरामा मिनिमलिस्टिक डिजाइन अपनाइनुका साथै फ्ल्याशलाइटको स्थान छनोट क्यामेराको प्रकाशका आधारमा गरिएको छ । क्यामेराको सतहलाई माथि उठाएर यसको लेन्सलाई थप सुराक्षा प्रदान गर्ने सोचका साथ यसमा डेकोरेटिभ रिङको व्यवस्था पनि गरिएको छ । समग्रमा भन्नु पर्दा ओपो एफ१५ स्टाइलिश, अल्ट्रा पोर्टेबल र सटिक ओटीजी फोन हो ।

ओपो एफ१५मा रहेको फिंगरप्रिन्ट अनलक ३.०ले उपकरणलाई मात्र ०.३२ सेकेण्डको अवधिमा अनलक गर्छ । यो पछिल्लो पुस्ताका प्रविधिका तुलनामा ४५%ले तीव्र हो । यसका लागि नयाँ प्रविधिको हार्डवेयर र सफ्टवेयर दुवै पक्षमा विशेष सुधार गरिएको छ । यसका कारण तिब्र गतिमा अनलकिङ हुनुका साथै, हार्डवेयरमा आधारित एन्टी फोर्जिङ प्रविधिमार्फत थप सुरक्षा प्राप्त हुन्छ ।

८ जीबी ¥याम र १२८जीबी रोम सुसज्जित ओपो एफ१५ले स्मूथ अनुभवका साथै पर्याप्त स्टोरेज उपलब्ध गराउँछ । भोक फ्ल्याश चार्ज ३.० सहितको ओपो एफ१५ले मात्र ५ मिनेटको समयमा १०% र ३० मिनेटमा ५०% चार्ज दिने क्षमता राख्छ । पछिल्लो भोक २.०का तुलनामा यो २६%ले तीव्र छ ।

शक्तिशाली सफ्टवेयर र हार्डवेयर

९०.७% स्क्रिन टु बडी रेसियो तथो एफएचडी+ एमोलेड २४००×१०८० रेजोल्यूशन सहितको ओपो एफ१५ले अल्ट्रा क्र्रिस्प गेमिङ तथा मनोरञ्जन अनुभव प्रदान गर्छ । फ्रेम बुस्ट र टच बुस्ट सहितको ओपो एफ१५ले स्मुथ गेमिङ अनुभव प्रदान गर्छ । यी फिचर्सले गेम ल्याग हुनुबाट जोगाउनुका साथै टच रेस्पोन्सा सुधार ल्याएर गेमिङमा राम्रो नियन्त्रण बनाउनमा समेत सघाउँछ । यसमा रहेको गेमिङ भ्वाइस चेन्जरको सहायता खेलमा थप रमाइलो थप्ने निश्चित छ । यसमा रहेको ईन-गेम न्वाइज क्यान्सलिङ ईफेक्टमार्फत गेमिङ साउण्डमा थप सुधार दिँदै आवाज सुन्न र पहिचान गर्नमा सघाउँदै खेलमा उत्कृष्टता ल्याउन सघाउँछ ।

प्रकाशित समय १९:४१ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु