fbpx
Nepal Mediciti

गृहपृष्ठ काठमाडाैँका विभिन्न स्थानबाट २२ जना ‘स्वतन्त्र तिब्बत’ समर्थक पक्राउ

काठमाडाैँका विभिन्न स्थानबाट २२ जना ‘स्वतन्त्र तिब्बत’ समर्थक पक्राउ

प्रदर्शनको तयारी गरिरहेका २२ जना ‘स्वतन्त्र तिब्बत’ समर्थकलाई प्रहरीले पक्राउ गरेको छ । महानगरीय प्रहरी परिसरले काठमाडौंको विभिन्न स्थानबाट उनीहरुलाई पक्राउ गरेको हो ।

परिसरका प्रवक्ता डीएसपी होविन्द्र बोगटीका अनुसार काठमाडौंको वौद्ध, स्वयम्भु र फर्पिङबाट आज दिउँसो २२ जना पक्राउ परेका हुन् । प्रहरीले उनीहरूको साथबाट ‘फ्री तिब्बत’ लेखिएको टिसर्ट, झोला, तिब्बतियन झण्डालगायत सामग्रीसमेत बरामद गरेको छ । पक्राउ परेकामध्ये केहीले ‘फ्रि तिब्बत’ लेखिएको ट्रयाकसुट लगाएको प्रहरीले जनाएको छ । पक्राउ परेकाहरू अधिकांश तिब्बती छन् भने केही नेपाली नागरिकसमेत रहेका छन् ।

योसँगै चिनियाँ राष्ट्रपति सी जिनपिङको नेपाल भ्रमणको क्रममा प्रदर्शन हुन सक्ने आशंकामा उपत्यकाका तीनै जिल्लाका सबैजसो गुम्बाहरुमा प्रहरीले सुरक्षा व्यवस्था कडा बनाएकाे छ । शुक्रबार पनि प्रहरीले १८ जना ‘स्वतन्त्र तिब्बत’ समर्थकलाई पक्राउ गरेको थियो ।

प्रकाशित समय १४:५१ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु