fbpx
Nepal Mediciti

गृहपृष्ठ आमा (कविता)

आमा (कविता)

aama-newskarobar

आमा हुन् सर्व उत्कृष्ट आमा दिव्य स्वरुप हुन्

विवेक शक्ति हुन् आमा, आमा देव समान हुन् ।

आमा हुन् ज्ञानकी ज्योति, आमा हुन् काव्य मञ्जरी

श्रद्धाकी मूर्ति हुन् आमा, आमा हुन् स्नेह निर्झरी ।।१।।

 

ममताकी प्रतिमूर्ति आमा प्रेम उमार्दिछिन्

आमा सन्तानका साझा इतिहास बनाउँछिन् ।

मैन झैं पग्लँदै आमा उज्यालो ज्योति छर्दछिन्

तिलस्मी हातले दिव्य सबैको आँत भर्दछिन् ।।२।।

 

खोपेर छातीमा चित्र आमालाई सजाउँछु

आमा हुन् देशकी मेरी सबैलाई चिनाउँछु ।

आमाको त्याग सम्झेर श्रद्धा भाव बढाउँछु

पुष्पगुच्छा टिपी नित्य आमालाई चढाउँछु ।।३।।

 

धरा हुन् धरणी आमा, चेतना पुञ्ज हौ तिमी

श्रृष्टिको रचना चक्र आस्थाकी कुञ्ज हौ तिमी ।

आकाश धर्ति हुन् आमा, आमा हुन् मातृ वत्सल

म देख्छु जूनमा हर्दम आमाकै रुप झल्मल ।।४।।

(ऋषभदेव घिमिरे, गोदावरी, ललितपुर)

प्रकाशित समय १२:१० बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु